ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
இசையமைப்பாளர் விஜய் ஆண்டனி, நான், சலீம், இந்தியா பாகிஸ்தான் ஆகிய படங்களில் நடித்தபோது பெரிய எதிர்பார்ப்பு இல்லாமல் தான் அந்த படங்கள் வெளியாகி வந்தன. அந்த வரிசையில், சசி இயக்கத்தில் அவர் நடித்த பிச்சைக்காரனுக்கும் பெரிதாக எதிர்பார்ப்பு இல்லை. ஆனால், அந்த படம் அவரது முந்தைய படங்களை விட மிகப்பெரிய அளவில் வெற்றி பெற்றது. அதோடு, ஆந்திராவில் டப் செய்து வெளியிடப்பட்ட அப்படம் 15 கோடிக்கு மேல் வசூலித்துள்ளதாம். இதனால் அடுத்தபடியாக தமிழ் மட்டுமின்றி தெலுங்கு சினிமாவிலும் விஜய் ஆண்டனியின் படங்களுக்கு எதிர்பார்ப்பு ஏற்பட்டிருக்கிறது.
அந்த வகையில், அவர் தயாரித்து நடித்துள்ள சைத்தான் படம் முதலில் சின்ன பட்ஜெட்டாகத்தான் உருவாகி வந்தது. ஆனால் இப்போது அந்த படத்திலும் பிரமாண்ட காட்சிகளை இணைத்து பெரிய படமாக்கிக்கொண்டிருக்கிறார் விஜய் ஆண்டனி. அதேபோல் லைகா நிறுவனத்துக்காக அவர் நடிக்கும் எமன் படம் மெகா பட்ஜெட்டில் தயாராகிறது. மேலும். ஆரம்பத்தில் இருந்தே கதைகள் விசயத்தில் ரொம்ப கவனமாக இருந்து வரும் விஜய் ஆண்டனிக்காக அவரது மனைவி உள்பட அவரது குடும்பத்தார் பலரும் அமர்ந்து கதை கேட்கிறார்கள். அப்படி பல கதைகளை பல சுற்று கேட்டு அவர்களுக்கு திருப்தியாக இருந்தால் மட்டுமே பின்னர் விஜய் ஆண்டனிக்கு அனுப்புகிறார்கள்.
அப்படி கடைசியாக கதையே கேட்கும் விஜய் ஆண்டனி, தனக்கும் அந்த கதை ஓகே என்றால் அதை டிக் செய்து விடுகிறார். அதோடு, டைரக்டர்கள் கதை சொன்னாலும் டைட்டீல் விசயத்தில் அவரை யாரையும் தலையிட விடுவதில்லை. இதற்கு முன்பு அவர் நடித்த பிச்சைக்காரன் படத்திற்கு இந்த டைட்டீல்தான் வைக்க வேண்டும் என்பதில் உறுதியாக இருந்தாராம் விஜய் ஆண்டனி. அப்படி அவர் வைத்த டைட்டீல் பெரிய அளவில் ரீச்சானதால் இப்போது தனது ஒவ்வொரு படங்களுக்கும் தானே டைட்டீல் முடிவு செய்கிறாராம் விஜய் ஆண்டனி. ஒருவேளை சம்பந்தப்பட்ட டைரக்டர்கள் பல டைட்டீல்களை சொன்னால் அதிலிருந்து கதைக்கு பொருத்தமான டைட்டீலை தானே செலக்ட் பண்ணுகிறாராம் அவர்.