Dinamalar

நீடிக்கும் மதன் மாயம்? கண்டுபிடித்து தரக்கோரி மனைவி மனு; பாரிவேந்தர் விளக்கம்

தயாரிப்பாளர் வேந்தர் மூவீஸ் மதன் கடந்த சில தினங்களுக்கு முன்பு “காசிக்கு செல்கிறேன். கங்கையில் சமாதி அடைகிறேன் என கடிதம் எழுதிவைத்து விட்டு மாயமாகி விட்டார். அவரை உறவினர்களும், நண்பர்களும் காசியில் தேடி வருகிறார்கள். இந்த நிலையில் மதனின் மனைவி சுமலதா மற்றும் தாயார் தங்கம் ஆகியோர் நேற்று சென்னை போலீஸ் கமிஷனர் டி.கே.ராஜேந்திரனை சந்தித்து மதனை கண்டுபிடித்து தருமாறு மனு கொடுத்தனர். உரிய நடவடிக்கை எடுக்கப்படும் என்று கமிஷனர் உறுதியளித்தார்.

மோசடி புகார்: இந்த நிலையில் மதன் எஸ்.ஆர்.எம் மருத்துவக்கல்லூரில் சீட் வாங்கித்தருவதாக 52லட்சம் ரூபாய் மோசடி செய்து விட்டதாக மணப்பாறையைச் சேர்ந்த வெங்கடேசன் என்பவர் சென்னை போலீஸ் கமிஷனர் அலுவலகத்தில் புகார் செய்துள்ளார். அந்த மனுவில் அவர் கூறியிருப்பதாவது:

எனது மகன் 12ம் வகுப்பு படித்துள்ளான். அவனை எஸ்.ஆர்.எம். மருத்துவ கல்லூரியில் சேர்க்க மதனை அணுகினேன். அவர் அதற்கு 62 லட்சம் கேட்டார். நான் கடன் வாங்கி அந்தப் பணத்தை கொடுத்தேன். ஆனால் என் மகன் மருத்துவ கல்லூரியில் சேரும் அளவிற்கு மதிப்பெண் எடுக்கவில்லை. அதனால் பணத்தை திருப்பி கேட்டேன். 10 லட்சம் ரூபாயை கொடுத்துவிட்டு மீதியை இரண்டு நாட்களில் தருவதாகச் சொன்னார். ஆனால் தரவில்லை. இப்போது அவர் தலைமறைவாகிவிட்டார். அவரிடமிருந்து எனது பணத்தை பெற்றுத் தருமாறு கேட்டுக் கொள்கிறேன். இவ்வாறு அந்த மனுவில் வெங்கடேசன் கூறியுள்ளர்.

பாரிவேந்தர் விளக்கம் : மதன் மாயம், பணமோசடி விவகாரங்கள் தொடர்பாக எஸ்.ஆர்.எம் குழும தலைவரும், இந்திய ஜனநாயக கட்சித் தலைவருமான பாரிவேந்தர் வெளியிட்டுள்ள அறிக்கையில் கூறியிருப்பதாவது:

கட்சி விரோத நடவடிக்கையில் ஈடுபட்டதால் மதன் என்பவர் கடந்த பிப்ரவரி மாதமே கட்சியிலிருந்து நீக்கப்பட்டுவிட்டார். வேந்தர் மூவீசுக்கும், எனக்கும் எந்த சம்பந்தமும் இல்லை என்றே அவரே கூறியிருக்கிறார். மதன் மூலம் பாதிக்கப்பட்ட மாணவர்கள், அவர்களின் பெற்றோர் போலீசை அணுகுமாறு கேட்டுக் கொள்கிறோம்.

எந்தவித தொடர்புமின்றி மதன் என்பவர் தன்னிச்சையாக செய்த மோசடிக்கும், எமது நிறுவனத்திற்கும் எந்தவித தொடர்பும் கிடையாது. சட்டரீதியான விசாரணைககு நாங்கள் ஒத்துழைப்பு தர தயாராக இருக்கிறோம். இவ்வாறு அந்த அறிக்கையில் கூறப்பட்டுள்ளது.

• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி

• 
  பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர்
• 
  வாக்காளர் பட்டியலில் மமிதா பைஜூ பெயர் நீக்கம்
• 
  காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்?
• 
  ஜூலை மாதத்தில் வெளியாகும் ராயன்
• 
  சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் ...