மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
தனுஷ் தயாரிப்பில் வெற்றி மாறன் இயக்கத்தில் 'அட்டகத்தி' தினேஷ், சமுத்திரக்கனி மற்றும் பலர் நடித்துள்ள படம் 'விசாரணை'. இப்படம் நாளை வெளியாக உள்ளது. இப்படத்தைப் பார்த்த பல பிரபலங்கள் படத்தைப் பற்றிப் பாராட்டியும், வாழ்த்துகளைத் தெரிவித்தும் வருகின்றனர். சில நாட்களுக்கு முன்பு படத்தைப் பார்த்த நடிகர் கமல்ஹாசன், மணிரத்னம் ஆகியோர் படம் பற்றிய தங்களது பாராட்டுக்களைத் தெரிவித்துள்ளனர்.
தற்போது நடிகர் ரஜினிகாந்தும் 'விசாரணை' படத்திற்கு தனது வாழ்த்துகளைத் தெரிவித்துள்ளார். அதிலும் ரஜினிகாந்த் அவருடைய டிவிட்டரில் வெளியிட்டுள்ள முதல் தமிழ்ப் பதிவும் இதுதான். அந்தப் பதிவில், “விசாரணை மாதிரி ஒரு படத்தை தமிழில் நான் இது வரை பார்த்ததில்லை. உலக படவரிசையில் ஒரு தமிழ் படம்.வாழ்த்துக்கள் வெற்றிமாறன் - தனுஷ்,” என ரஜினிகாந்த் தெரிவித்துள்ளார்.
உலகத் திரைப்பட விழாக்களில் கலந்து கொண்டுள்ள 'விசாரணை' திரைப்படத்திற்கு தமிழ்த் திரையுலக ஜாம்பவான்களில் பாராட்டுகள் கிடைத்து வருவது படத்தை ரசிகர்களிடம் கொண்டு சேர்க்கவும் வாய்ப்பாக அமையும்.