Dinamalar

'தோழா' படப்பிடிப்பு நிறைவு

தமிழில் 'தோழா' என்ற பெயரிலும், தெலுங்கில் 'ஊப்பிரி' என்ற பெயரிலும் ஒரே சமயத்தில் உருவாகி வரும் படத்தின் படப்பிடிப்பு ஒரு சில நாட்களில் நிறைவடைய உள்ளது. வம்சி பைடிப்பள்ளி இயக்கும் இந்தப் படத்தில் நாகார்ஜுனா, கார்த்தி, தமன்னா, பிரகாஷ்ராஜ் மற்றும் பலர் நடிக்கிறார்கள். தமிழ் நடிகரான கார்த்தி முதல் முறையாக ஒரு நேரடித் தெலுங்குப் படத்தில் நடிக்கும் படம் இது. நாகார்ஜுனா நீண்ட இடைவெளிக்குப் பிறகு தமிழில் நடிக்கும் படம் இது.

'தி இன்டச்சபிள்ஸ்' என்ற பிரெஞ்சுப் படத்தின் உரிமையை வாங்கி தமிழ், தெலுங்கில் ரீமேக் செய்து வருகிறார்கள். இப்படத்தின் படப்பிடிப்பு, சென்னை, ஹைதராபாத், விசாகப்பட்டிணம் ஆகிய ஊர்களில் நடைபெற்றுள்ளது. அது மட்டுமல்லாமல் பிரான்ஸ் நாட்டிற்கும் சென்று சில முக்கியமான காட்சிகளைப் படமாக்கியிருக்கிறார்கள்.

'சிறுத்தை' படத்திற்குப் பிறகு கார்த்தி, தமன்னா இந்தப் படத்தில் ஜோடி சேர்ந்து நடித்திருக்கிறார்கள். தமன்னா 'தோழா' படத்தின் படப்பிடிப்பை முடித்துக் கொடுத்து விட்டார். தற்போது தென்காசியில் 'தர்மதுரை' படப்பிடிப்பில் இன்று முதல் கலந்து கொள்கிறார்.

மலையாளத்தில் பிரபல இசையமைப்பாளராக இருக்கும் கோபி சுந்தர், 'தோழா' படத்திற்கு இசையமைத்திருக்கிறார். அடுத்த மாதம் 25ம் தேதி இப்படம் வெளியாக உள்ளது.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...