ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் |
நவம்பர் 27ம் தேதி வெள்ளிக் கிழமை அன்று வெளியான உப்பு கருவாடு, 144, இஞ்சி இடுப்பழகி ஆகிய மூன்று படங்களுமே வழக்கமான படங்களிலிருந்து மாறுபட்ட படங்களாக இருக்கும் என்ற எதிர்பார்ப்பு பட வெளியீட்டிற்கு முன் இருந்தது. அந்த விதத்தில் மூன்று படங்களுமே வழக்கமான மசாலாப் படங்களாக இல்லாமல் கொஞ்சம் மாறுபட்ட படங்களாகவே அமைந்தது.
ஆனாலும், இஞ்சி இடுப்பழகி படம் முழுமையான தமிழ்ப் படமாக இல்லாமல் பல காட்சிகளில் தெலுங்கு உச்சரிப்பே இருந்தது. தெலுங்கு நடிகர்கள் பலரும் படத்தில் இடம் பெற்றிருந்ததால் ஒரு தெலுங்குப் படத்தைப் பார்த்த உணர்வே ஏற்பட்டதாக ரசிகர்கள் தெரிவிக்கிறார்கள்.
144 படம் ஒரு வித்தியாசமான கதையமைப்பு கொண்ட படம். ஆனால், சுவாரசியமான காட்சிகளை அதிகம் வைக்காமல் திரைக்கதையில் கோட்டை விட்டு இ...ழுவையாகச் சொல்லியிருப்பது படத்திற்கு மைனஸ் பாயின்டாக அமைந்துள்ளது. சுஜாதா எழுதிய வசந்த காலக் குற்றங்கள் நாவலை இப்படி கெடுத்திருக்க வேண்டாமென சுஜாதாவின் தீவிர ரசிகர்கள் புலம்புகிறார்கள்.
கௌரவம் படத்தின் தோல்விக்குப் பிறகு மீண்டும் தன்னை நிரூபீக்க வேண்டிய கட்டாயத்தில் இருந்த இயக்குனர் ராதாமோகன், அதிக பிரபலமில்லாத நடிகர்களை வைத்து உப்பு கருவாடு படத்தை ரசிக்கும்படி கொடுத்துள்ளார் என்ற பேச்சுதான் அதிகம் எழுந்துள்ளது. மிகப் பெரும் நடிகர், நடிகைகளின் பின்னால் போகாமல் தன் கதையை நம்பி இந்தப் படத்தை ரசிக்கும் விதத்தில் கொடுத்திருக்கிறார். ஆனாலும், படத்தின் முதல் அரை மணி நேரத்திற்கும் மேற்பட்ட காட்சிகள் நம் பொறுமையை சோதிக்கின்றன என்பது பலரின் குற்றச்சாட்டு.
இந்த வார மும்முனைப் போட்டியில் உப்பு கருவாடு முன்னிலையில் இருக்கிறார் என்றுதான் கோலிவுட் வட்டாரங்கள் தெரிவிக்கின்றன.