ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
எந்த பிரச்னைக்கும் வன்முறை தீர்வு ஆகாது!
சல்மான் கானுடன் இணைந்து நடித்த, பிரேம் ரத்தன் தன் பயோ படம், பாக்ஸ் ஆபிசில் பட்டையை கிளப்புவதால், உற்சாகத்தில் திளைக்கிறார் சோனம் கபூர். பல தரப்பிலிருந்தும், தன் நடிப்புக்கு பாராட்டு குவிவதால், 'பொண்ணுக்கு சுத்தி போடுங்க' என, சக நடிகையரே, சோனம் கபூரின் பெற்றோரிடம் கூறுகின்றனராம். சோனம் கபூர் அளித்துள்ள பேட்டி:
பிரேம் ரத்தன் வெற்றியை எப்படி உணர்கிறீர்கள்?
ஏற்கனவே, இதுபோன்ற வெற்றியை அனுபவித்து இருந்தாலும், இந்த படம் மற்ற படங்களை விட, அதிக வசூலை குவித்துள்ளது; என்னை மட்டுமல்லாமல், படத்தின் தயாரிப்பாளர் உட்பட, அனைத்து தரப்பினரையும் சந்தோஷத்தில் ஆழ்த்தியுள்ளது.
சமூக பிரச்னைகளில் அதிரடியாக கருத்து தெரிவிக்கிறீர்களே?
நடிகை என்பதால், நடிப்புடன் என் கடமை முடிந்து விட்டது என கருத மாட்டேன்; எனக்கும்,
சமூக பொறுப்பு உள்ளது. அதனால், நம்மை சுற்றி நடக்கும், நம்மை பாதிக்கும் பிரச்னைகள் குறித்து கருத்து தெரிவிக்கிறேன்.
பிரான்ஸ் பயங்கரவாத தாக்குதலுக்கு கண்டனம் தெரிவித்துள்ளீர்களே?
ஆம்; பிரான்ஸ் தலைநகர் பாரிசில் நடந்த தாக்குதல், மிகவும் கோழைத்தனமாது. வன்முறையால் எந்த பிரச்னைக்கும் தீர்வு காண முடியாது. அன்பு, அமைதி, விவாதம், தகவல் தொடர்பு, கல்வி ஆகியவற்றின் மூலம் எந்த ஒரு பிரச்னைக்கும் தீர்வு காண முடியும்.
சமூக வலைதளங்களில் நடிகையர் மீது கடுமையான விமர்சனங்கள் வெளியாகிறதே?
யாருக்கும், எந்த ஒரு தனி மனிதரை பற்றியும், தரக்குறைவான கருத்துகளை
தெரிவிக்க உரிமையில்லை என்றே கருதுகிறேன். சமூக வலைதளங்களை ஆக்கப்பூர்வமான விஷயங்களுக்கு மட்டுமே பயன்படுத்த வேண்டும். சமூக வலைதளங்களில்
விமர்சிப்போருக்கு, நடிகையர் தான், எளிதான இலக்காக இருக்கின்றனர். இது, மோசமான முன்
உதாரணத்தை ஏற்படுத்துகிறது.
உங்களின் அடுத்த படம்?
அது, ஒரு வாழ்க்கை வரலாற்றை மையமாக வைத்து தயாராகிறது. யாருடைய வாழ்க்கை வரலாறு என்பது, 'சஸ்பென்ஸ்!' இதில், முற்றிலும் மாறுபட்ட வேடத்தில் நடிக்கிறேன். ஒரு புதிய படத்தில் நடிக்கும்போது, முந்தைய படங்களில் நடித்த வேடங்களை போல் இருக்கக் கூடாது என்பதில் உறுதியாக இருக்கிறேன்.