நடிகர் விவேக்கின் 13வயது மகன் மரணம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

நடிகர் விவேக்கின் 13வயது மகன் மரணம்

29 அக், 2015 - 16:18 IST

எழுத்தின் அளவு:

மூளைக்காய்ச்சலால் நடிகர் விவேக் மகன் மரணம் அடைந்தார். அவருக்கு வயது 13. தமிழ் சினிமாவில் முன்னணி காமெடி நடிகராக வலம் வந்தவர் நடிகர் விவேக். இவருக்கு அமிர்தாநந்தினி, தேஜஸ்வனி என்ற இரண்டு மகள்களும், பிரசன்னா குமார் என்ற மகனும் உள்ளனர். இவர்களில் பிரசன்னா மூளை காய்ச்சல் நோயால் பாதிக்கப்பட்டார். கடந்த ஒன்றரை மாத காலமாக சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார். இந்நிலையில் சிகிச்சை பலன் இன்றி பிரசன்னாவின் உயிர் பிரிந்தது.

பிரசன்னாவின் உடலை விவேக்கின் சென்னை இல்லமான விருகம்பாக்கத்தில் அஞ்சலிக்காக வைத்துள்ளனர். வெள்ளியன்று, சென்னையில் இறுதிச்சடங்கு நடைபெற இருக்கிறது.

மகன் இறந்த சம்பவம் நடிகர் விவேக்கை மிகுந்த துயரத்தில் ஆழ்த்தியுள்ளது.

இதனிடையே நடிகர் விவேக் விடுத்துள்ள செய்தியில், அன்பு பத்திரிகையாளர்கள் நண்பர்களுக்கு, எனது மகன் பிரசன்ன குமாரின் திடீர் மறைவு என்னையும், எனது குடும்பத்தையும் மிகவும் துயரத்தில் ஆழ்த்தியுள்ளது. இந்த தருணத்தில் என் மகனுக்கு அஞ்சலி செலுத்த வருபவர்களிடம் செய்தி சேகரிக்கவோ, வீடியோ எடுக்கவோ, போட்டோ எடுக்கவோ வேண்டாம் என்று கேட்டு கொள்கிறேன். என் உணர்வுகள் உங்களுக்கு புரியும் என்று நினைக்கிறேன்.

இவ்வாறு விவேக் கூறியுள்ளார்.

Vivekh

Vivekh son

dead

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய