ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
சிவகார்த்திகேயன் நடித்த ரஜினி முருகன் படம் அக்டோபர் 21 அன்று வெளியாவது உறுதி என்றும் அதில் எவ்வித மாற்றமும் இல்லை என்று சொல்லப்படுகிறது. இயக்குநர் லிங்குசாமியின் திருப்பதி பிரதர்ஸ் நிறுவனத்தின் தயாரிப்பில் வருத்தப்படாத வாலிபர் சங்கம் வெற்றிப்பட இயக்குநரான பொன்ராம் இயக்கத்தில் உருவான இப்படம் ரெடியாக பல மாதங்களாகின்றன. கமலை வைத்து உத்தமவில்லன் படத்தைத் தயாரித்ததினால் நிதி சிக்கலில் மாட்டிக்கொண்டார் லிங்குசாமி. அதனால் ரஜினி முருகன் படத்தை குறிப்பிட்ட தேதியில் அவரால் வெளியிட முடியவில்லை.
உத்தமவில்லன் படத்துக்காக வாங்கிய கடனை அடைத்தால்தான் ரஜினிமுருகன் படத்தை வெளியிட முடியும். இப்படியொரு கஷ்டமானநிலையில் இருந்த லிங்குசாமி ஒருவழியாக கடன்களை அடைக்க தக்க ஏற்பாடுகளை செய்துவிட்டதாக லிங்குசாமி வட்டாரம் தெரிவிக்கிறது. எனவே அக்டோபர் 21 அன்று ரஜினி முருகன் திரைக்கு வருவதில் எந்தவித தடையும் இருக்காது என்கிறார்கள் விநியோகஸ்தர்கள்.
இந்நிலையில் ரஜினி முருகன் படம் வெளியாகும் அதேதினத்தில் சந்தானம் நடித்த வாலிப ராஜா படமும் வெளியாகிறது. சிவகார்த்திகேயன், சந்தானம் இருவருமே விஜய் டிவியிலிருந்து சினிமாவுக்கு வந்தவர்கள் என்ற காரணத்தினாலோ என்னவோ ஆரம்பத்திலிருந்தே இருவருக்கும் ஒத்துவரவில்லை. சந்தானம் காமெடியனாக நடித்துக்கொண்டிருக்க, சிவகார்த்திகேயனோ ஹீரோவானார். சிலபடங்களிலேயே முன்னணி ஹீரோவானார். காமெடியனாக நடித்துக் கொண்டிருந்த சந்தானமும் பின்னர் ஹீரோவானார்.
சந்தானம் - சிவகார்த்திகேயன் இருவரும் சிம்பு தனுஷ் போல் மோதிக்கொண்டதில்லை. ஆனாலும் இருவருக்கும் சுமுகமான நட்பு இல்லை.. இப்படியான சூழலில்தான், சிவகார்த்திகேயன் படம் வெளியாகும் அதே நாளில் தான் நடித்த படத்தையும் களத்தில் இறக்குகிறார் சந்தானம்.