ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தென்னிந்திய நடிகர் சங்கத்திற்கு வருகிற 18ந் தேதி தேர்தல் நடக்கிறது. அதற்கான வேட்புமனு தாக்கல் நேற்று தொடங்கியது. சரத்குமார், விஷால் இரு அணியினரும் தீவிர பிரச்சாரத்தில் ஈடுபட்டு வருகிறார்கள். இரு அணியினரும் கமல், ரஜினி ஆதரவை பெறுவதில் தீவிரமாக இருக்கிறார்கள். ரஜினிக்கும், கமலுக்கும் தலா ஒரு ஓட்டுதான் இருக்கிறது. ஆனாலும் ரஜினி, கமல் ஆதரவளிக்கும் அணியின் பக்கம்தான் நியாயம் இருக்கும் என்று கருதி மற்றவர்கள் வாக்களிக்க வாய்ப்பிருப்பதால் அவர்கள் ஆதரவை பெற இரு அணியினரும் முயற்சித்து வருகிறார்கள்.
ரஜினி
ரஜினியை சரத்குமார் அணியினரும், விஷால் அணியினரும் மாறி மாறி சந்தித்து உள்ளனர். அவரும் வந்தவர்களை வரவேற்று உபசரித்து வெற்றிக்கு வாழ்த்து சொல்லி அனுப்பி இருக்கிறார். அது வழக்கமான ஒரு நாகரீகமான மரபு. அதனையே இரு அணியினரும் தங்கள் அணிக்கான ஆதரவாக சொல்ல ஆரம்பித்திருக்கிறார்கள். நேற்று தலைவர் பதவிக்கு வேட்பு மனுதாக்கல் செய்த பிறகு மீடியாவிடம் பேசிய சரத்குமார் "ரஜினியை நாங்கள் சந்தித்தோம். அவர் நாங்கள் வெற்றி பெற வாழ்த்தினார். வாழ்த்தினாலே ஆதரவளிப்பதாகத்தானே பொருள்" என்றார்.
கமல்
அதேபோல இரு அணியினரும் கமலஹாசனை சந்தித்து குரூப் போட்டோ எடுத்து மீடியாக்களுக்கு கொடுத்தார்கள். கமல் ஆதரவு எங்களுக்குதான் என்று கூறி வந்தார்கள். இந்த நி¬யில் நேற்று ஏவிஎம் ஸ்டூடியோவில் படப்பிடிப்பில் இருந்த கமலை விஷால் அணியினர் சந்தித்து பேசினார்கள். இந்த சந்திப்புக்கு பிறகு விஷால் அணிக்கு தனது ஆதரவை கமல் வெளிப்படையாக அறிவித்தார். அதற்கு ஆதாரமா நாசரை தலைவர் பதவிக்கு முன்மொழிந்து வேட்மனுவில் கையெழுத்திட்டார்.
ரஜினி பங்கேற்பாரா.?
இந்த நிலையில் விஷால் அணியினரின் தேர்தல் ஆலோசனை கூட்டம் இன்று ரஜினியின் ராகவேந்திரா திருமண மண்டபத்தில் நடக்கிறது. ரஜினி வெளிப்படையாக ஆதரவை சொல்லாவிட்டாலும் அவர் ஆதரவு எங்களுக்குதான் என்று காட்டிக் கொள்ளவே ராகவேந்திரா கல்யாண மண்டபத்தில் ஆலோசனை கூட்டத்தை நடத்துவதாக கூறப்படுகிறது. இந்தக் கூட்டத்தில் கமல், ரஜினி இருவரும் கலந்து கொண்டு விஷால் அணிக்கு தங்கள் ஆதரவை அளிப்பார்கள் என்றும் கூறப்படுகிறது. தென்னிந்திய நடிகர் சங்க தேர்தல் காட்சிகள் அரசியல் கட்சிகளின் பொது தேர்தலை விட பரபரப்பு நிறைந்ததாக மாறி வருகிறது.