ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
இந்திரா படத்தில் கதாநாயகியாக அறிமுகமான அனுஹாசன் கதாநாயகியாக தற்போது வல்லதேசம் என்ற படத்தில் நடித்திருக்கிறார். நடிகர் கமல்ஹாசனின் அண்ணன் சந்திரஹாசனின் மகள் இவர். இந்திரா படத்துக்குப் பிறகு ஒரு சில படங்களில் அக்கா அண்ணி அம்மா என குணசித்திர வேடங்களில் நடித்து வந்தார் அனுஹாசன்.
பிறகு காபி வித் அனு என்ற நிகழ்ச்சியை விஜய் டிவியில் தொகுத்து வழங்கிய அனுஹாசன், திடீரென மீடியா வெளிச்சத்திலிருந்து விலகிப்போனார்.
பெரிய திரைக்கும், சின்னத்திரைக்கும் டாட்டா காட்டிவிட்டு போன அனுஹாசன் எங்கிருக்கிறார் என்றே தெரியாதநிலையில், வெளிநாட்டுக்காரரை திருமணம் செய்து கொண்டு தற்போது லண்டனில் வசிக்கிறார் என்று சொல்லப்பட்டது. இந்நிலையில் லண்டனில் உள்ள சேரிங் கிராஸ் பகுதியில் அனுஹாசனை தற்செயலாக சந்தித்த ஈழத்தமிழரான என்.டி.நந்தா, அவரிடம் தன்னை அறிமுகப்படுத்திக் கொண்டு வல்லதேசம் படத்தின் கதையைச் சொல்லி நடிக்க அழைத்திருக்கிறார்.
வல்லதேசம் படத்தின் கதை பிடித்துப்போய் நடிக்க ஒப்புக்கொண்டிருக்கிறார் அனுஹாசன். பிரபல இசையமைப்பாளர் எல்.வைத்தியநாதனின் மகனான எல்.வி.முத்துகுமாரசாமி இப்படத்துக்கு இசையமைத்திருக்கிறார். எல்.வி.முத்துகுமாரசாமியின் அம்மாவும், நடிகர் சிம்புவின் அம்மாவும் சகோதரிகள். அந்தவகையில் இசையமைப்பாளர் எல்.வி.முத்துகுமாரசாமி சிம்புவுக்கு உறவினர். அந்த உரிமையில் வல்லதேசம் படத்தில் சிம்புவை அழைத்து ஒரு பாடலைப் பாட வைத்திருக்கிறார்.