Dinamalar

கலாம் மறைவு : டி.ராஜேந்தர் இரங்கல்

முன்னாள் ஜனாதிபதி அப்துல் கலாமின் மறைவிற்கு அனைத்து தரப்பினரும் இரங்கல் தெரிவித்து வருகின்றனர். நடிகரும், அரசியல் கட்சி தலைவருமான டி.ராஜேந்தரும் தனது இரங்கலை, இரங்கற்பாவாக வெளியிட்டுள்ளார்.

கலாம் மறைவு குறித்து, டி.ராஜேந்தர் வெளியிட்டுள்ள இரங்கற்பா இதோ....

இந்திய விஞ்ஞான உலகின் விருட்சம் ஒன்று

வேரறுந்து வீழ்ந்து விட்டது....

இளைஞர் சமுதாயத்துக்கு

வழிகாட்டிய ஒளி விளக்கொன்று

உடைந்து விட்டது...

அறிவு பெட்டகத்தை சுமந்த

அப்துல் கலாம் எனும்

அற்புதக் கலம் காலக்கடலில்

தன் பயணத்தை நிறுத்திவிட்டது...

நம்மையெல்லாம் கண்ணீர்

கடலில் ஆழ்த்திவிட்டது...

மேகாலயாவில் மாணவர்களிடையே

பேசும்போது...

மேல்வானின் கேக ஆலயா அவரை

அழைத்து விட்டது...

நம்மையெல்லாம்

சோக ஆலயாவில்..

நுழைத்துவிட்டது...

சொல்லால் வேண்டுமானால்

அவர் முன்னாள் ஜனாதிபதி...

செயலால் இந்தியர்கள்

இதயத்தில் என்றுமே

அவர் அழியா அதிபதி....

அவரது மறைவு இந்திய

நாட்டுக்கே ஈடு கட்ட முடியாத இழப்பு...

குடியரசு தலைவராய்

அவர் ஆற்றிய தொண்டு

நம் நெஞ்சை விட்டு நீங்காது

காலம் உள்ளவரை அவர்

புகழ் மங்காது..

என்று டி.ராஜேந்தர் தனது இரங்கற்செய்தியில் குறிப்பிட்டுள்ளார்.

• செய்திகள்

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...