வட சென்னை மூன்று தோற்றங்களில் தனுஷ் - Dhanush to act three role in Vada Chennai

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'வட சென்னை' மூன்று தோற்றங்களில் தனுஷ்

23 ஜூலை, 2015 - 10:43 IST

எழுத்தின் அளவு:

Dhanush-to-act-three-role-in-Vada-Chennai

'அனேகன்' படத்தில் அநேக தோற்றங்களில் நடித்த தனுஷ் அடுத்து வெற்றி மாறன் இயக்க உள்ள 'வட சென்னை' படத்தில் மூன்று விதமான தோற்றங்களில் நடிக்க உள்ளாராம். தனுஷ் தற்போது நடித்து வரும் 'விஐபி 2' படத்தின் படப்பிடிப்பு முடிவடையும் நிலையில் உள்ளது. இந்தப் படத்தையடுத்து அவர் 'வட சென்னை' படத்தில்தான் நடிக்க உள்ளார். வெற்றிமாறன் நீண்ட இடைவெளிக்குப் பிறகு இயக்கப் போகும் படம்தான் 'வட சென்னை'. வெற்றிமாறன், தனுஷ் கடைசியாக இணைந்த 'ஆடுகளம்' படம் வெளிவந்து நான்கு ஆண்டுகளாகிவிட்டது.

அதன் பின் சிம்புவை வைத்துத்தான் 'வட சென்னை' படத்தை இயக்குவதாக இருந்தார், ஆனால், அது கைவிடப்பட்டது. படத்தை இயக்கவில்லை என்றாலும் சில படங்களுக்கு கதை எழுதியும், 'காக்கா முட்டை' போன்ற படங்களைத் தயாரித்தும் வந்தார். திரையுலகில் அறிமுகமான இந்த 8 வருடங்களில் இதுவரை 'பொல்லாதவன், ஆடுகளம்' ஆகிய இரண்டு படங்களை மட்டுமே இயக்கியுள்ளார் வெற்றிமாறன்.

இதற்கிடையில் அட்டகத்தி தினேஷ் நடித்துள்ள 'விசாரணை' என்ற ஒரு சிறிய படத்தை இயக்கியுள்ளார். இந்தப் படம் மொத்தமே ஒரு மணி நேரம் மட்டுமே ஓடும் என்பதால் இது வழக்கமான திரைப்படங்களின் எண்ணிக்கையில் சேருவதற்கு வாய்ப்பில்லை. இந்தப் படத்தின் டிரைலரே மிரட்டலாக இருந்து பல பாராட்டுக்களைப் பெற்றது. இந்தப் படத்தை திரையரங்கில் வெளியிடுவார்களா அல்லது விருதுகளுக்காக படம் மட்டுமா என்பது பற்றி எந்தவிதமான தெளிவான அறிவிப்பும் இதுவரை வெளியிடப்படவில்லை.

மீண்டும் வெற்றிமாறனுடன் இணைவதால் தனுஷ் 'வட சென்னை' படத்தில் அதிக ஈடுபாட்டுடனும், கவனத்துடனும் நடிக்கப் போவதாக அவருக்கு நெருங்கிய வட்டாரங்கள் தெரிவிக்கின்றன.

Dhanush

Vetrimaran

Vada chennai

தனுஷ்

வெற்றிமாறன்

வட சென்னை

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய