வெற்றியைக் கொண்டாடிய பாபநாசம் படக்குழு...!

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

வெற்றியைக் கொண்டாடிய 'பாபநாசம்' படக்குழு...!

06 ஜூலை, 2015 - 03:30 IST

எழுத்தின் அளவு:

ஒரு படம் உண்மையான வெற்றி பெற்றால் அவர்களே வெற்றியைக் கொண்டாடிக் கொள்வார்கள். ஆனால், வெற்றி பெற திணறிக் கொண்டிருந்தால் பத்திரிகையளார்களை அழைத்து படம் வெற்றி என மக்களுக்கு சொல்லச் சொல்வார்கள். அந்த வகையில் 'பாபநாசம்' படக் குழுவினர் படத்தின் வெற்றியை பத்திரிகையாளர்களுடன் பகிர்ந்து கொள்ளாமல், அவர்களுக்குள்ளாகவே கொண்டாடிக் கொண்டுள்ளார்கள்.

அந்த வெற்றிக் கொண்டாட்டத்தில் கமல்ஹாசன், கௌதமி, இயக்குனர் ஜீது ஜோசப், இசையமைப்பாளர் ஜிப்ரான், படத்தில் நடித்துள்ள மற்ற கலைஞர்கள், படத் தயாரிப்பாளர்கள், அவர்களின் நெருங்கிய நண்பர்கள் என சில முக்கிய புள்ளிகளே கலந்து கொண்டுள்ளனர். 'உத்தம வில்லன்' படம் தோல்வியடைந்து கொஞ்சம் வாடிப் போயிருந்த கமல்ஹாசனுக்கு 'பாபநாசம்' படத்தின் வெற்றி மிகப் பெரும் உற்சாகத்தைக் கொடுத்துள்ளதாம். படம் வெளிவருவதற்கு முன் அவருடைய ஒட்டு மீசை பற்றியும், கௌதமியை ஜோடியாக்கியது பற்றியும் பல்வேறு விதமான விமர்சனங்கள் வெளிவந்தன. ஆனாலும், அதையும் மீறி மக்கள் படத்தை ஏற்றுக் கொண்டது அவருக்கு தனிப்பட்ட சந்தோஷத்தைக் கொடுத்துள்ளதாம்.

அந்த உற்சாகத்தில் 'தூங்காவனம்' படத்தையும் சீக்கிரமே முடித்து வெளியிடும் முனைப்பில் இருக்கிறாராம் கமல்ஹாசன்.

Papanasam

Kamalhassan

பாபநாசம்

கமல்ஹாசன்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய