மகாநதியும் கமல்ஹாசனும்...!

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'மகாநதி'யும் கமல்ஹாசனும்...!

21 மே, 2015 - 15:23 IST

எழுத்தின் அளவு:

கமல்ஹாசன், சுகன்யா நடிப்பில், சந்தானபாரதி இயக்கத்தில் 1994ம் ஆண்டு வெளிவந்த 'மகாநதி' திரைப்படம் கமல்ஹாசன் நடித்த படங்களிலேயே மிகவும் குறிப்பிட்டுச் சொல்ல வேண்டிய படமாக அமைந்தது. அவருடைய வழக்கமான பாணியிலிருந்து விலகி ஒரு குடும்பத்துக் கதையை அனைவரும் ரசிக்கும்படியாக வெளிவந்த அந்தப் படம் நல்ல வசூலுடன் அருமையான படம் என்ற பாராட்டையும் பெற்றது.

அந்தப் படத்தைப் பற்றி 20 ஆண்டுகள் கழித்து கடந்த சில நாட்களாக சமூக வலைத்தளங்களில் ஒரு விஷயம் பரபரப்பாக பகிரப்பட்டு வருகிறது. 'மகாநதி' என்பது ஒடிசா, சட்டீஸ்கர் மாநிலங்களில் பாயும் ஒரு நதி. அந்த நதியின் பெயரைத்தான் கமல்ஹாசன் அவருடைய படத்தின் பெயராக வைத்திருந்தார். அந்த 'மகாநதி' படத்திலும் ஆறுகள், நதிகளின் பெயருடன் தொடர்புடைய பல விஷயங்கள் இடம் பெற்றுள்ளன.

படத்தில் நாயகன் கமல்ஹாசனின் பெயர் 'கிருஷ்ணா'. நாயகி சுகன்யாவின் பெயர் 'யமுனா'. கமல்ஹாசனின் மகளின் பெயர் 'காவேரி', மகனின் பெயர் 'பரணி'. படத்தில் கமல்ஹாசனின் ஆரம்ப கால குடும்ப வாழ்க்கை காவிரி நதிக்கரையில் மகிழ்ச்சிகரமாக இருக்கும். இந்த சமுதாயத்தை மாற்ற வேண்டும் என அவர் கூவம் நதிக்கரையில்தான் முடிவெடுப்பார். தொலைந்து போன அவருடைய மகளை கங்கை நதிக்கரை நகரமான கல்கத்தாவில் கண்டுபிடிப்பார். மீண்டும் அவருடைய குடும்ப வாழ்க்கையை காவிரி நதிக்கரையில் தொடர்வார்.

இப்படி நதிகளையும் ஒரு கருப்பொருளாக கமல்ஹாசன் தன்னுடைய 'மகாநதி' படத்தில் இடம் பெறச் செய்த விஷயம் இருபது ஆண்டுகள் கழித்து இப்போது அதிகமாக பகிரப்பட்டு வருகிறது.

Mahanad

Kamalhassan

மகாநதி

கமல்ஹாசன்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய