கமல்ஹாசன் இப்படிச் செய்யலாமா ?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கமல்ஹாசன் இப்படிச் செய்யலாமா ?

02 மே, 2015 - 10:10 IST

எழுத்தின் அளவு:

கமல்ஹாசன் நடித்து இன்னும் சில வாரங்களில் வெளியாக உள்ள படம் 'பாபநாசம்'. மலையாளத்தில் மோகன்லால், மீனா மற்றும் பலர் நடித்து 2013ம் ஆண்டு வெளிவந்து 50 கோடிக்கும் மேல் வசூல் செய்த மாபெரும் வெற்றிப் படம். இந்தப் படத்தின் ரீமேக்கில் மிகவும் குறுகிய காலத்தில் கமல்ஹாசன் நடித்து முடித்துக் கொடுத்தார். சில மாதங்களுக்கு முன்பே படப்பிடிப்பு முடிந்து தற்போது இறுதிக் கட்டப் பணிகள் நடந்து வருகின்றன.

இந்தப் படத்தின் டிரைலர் சில நாட்களுக்கு முன் வெளியானது. டிரைலரைப் பார்த்த அதி தீவிர திரைப்பட ரசிகர்களுக்கு அதிர்ச்சிதான் ஏற்பட்டது. டிரைலரின் பல காட்சிகளில் கமல்ஹாசனின் ஒட்டு மீசை அப்படியே அழகாகத் தெரியும் அளவில் படமாக்கப்பட்டுள்ளது. மேக்கப் யதார்த்தத்துக்குப் பெயர் போன கமல்ஹாசன் படத்தில் இப்படி இருப்பது அவரது ரசிகர்களையும் அதிர்ச்சிக்குள்ளாக்கியிருக்கிறது.

தன்னுடைய படத்தில் தலை முடியாக இருந்தால் கூட அதில் அதிக கவனம் செலுத்துபவர் கமல்ஹாசன். தமிழ் சினிமாவில் மேக்கப் என்றால் இப்படித்தான் இருக்க வேண்டும் என்று அடுத்த தலைமுறையினருக்கும், பல திரைக்கலைஞர்களுக்கும் எடுத்துக்காட்டாய் விளங்குபவர். ஏற்கெனவே, 'பாபநாசம்' படத்தின் சில புகைப்படங்கள் மீடியாக்களுக்குக் கொடுக்கப்பட்ட போது அவருடைய மேக்கப்பும், தோற்றமும் பேச்சைக் கிளப்பியது. அது ஏதோ சில காட்சிகளில் மட்டும் இருக்கலாம் என நினைத்தவர்கள்தான் அதிகம்.

ஆனால், இப்போது டிரைலரைப் பார்த்ததும் படம் முழுவதும் அப்படியான தோற்றத்தில்தான் கமல்ஹாசன் இருப்பாரோ என்ற ஒரு சந்தேகம் இயல்பாகவே எழுந்துள்ளது.

தயாரிப்பாளரும், இயக்குனரும் படத்தை முடிக்க வேண்டும் என்ற அவசரத்தில் இருந்திருந்தாலும், கமல்ஹாசன் இப்படிச் செய்யலாமா...?

Kamal

Papanasam

கமல்

பாபநாசம்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய