ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
மலையாள டைரக்டர் பைஜூகுமார் தாமோதரன்.. சுருக்கமாக பைஜூ. இவர் ஒரு டாக்டரும் கூட. இவரும் கிட்டத்தட்ட இன்னொரு ராம்கோபால் வர்மா மாதிரி தான்.. அவ்வப்போது சர்ச்சைக்குரிய விமர்சனங்களால் போட்டு தாக்குபவர். நகைச்சுவை நடிகராகவே அறியப்பட்ட சுராஜ் வெஞ்சாரமூடுவுக்கு, தான் இயக்கிய 'பேரறியாதவர்' என்கிற படத்தில் குணச்சித்திர வேடத்தை அளித்து, அதன் மூலம் மிகச்சிறந்த நடிப்பை வெளிப்படுத்தியதற்காக, அவருக்கு 2013க்கான சிறந்த நடிகருக்கான தேசிய விருதையும் பெற்றுத்தந்ததும் இவர் தான்.
கடந்த ஜனவரி மாதம் மலையாள சேனல் ஒன்று, சொந்த பிரச்னைகளுக்காக அதிகம் செய்திகளில் அடிபட்ட மஞ்சு வாரியருக்கு நியூஸ் மேக்கர் விருதை வழங்கியபோது அதை அதிகம் விமர்சித்தவர்.. அதுமட்டுமல்ல, மோகன்லால் தனது லாலிசம் இசைக்குழு மூலம் தேசிய விளையாட்டு போட்டிகளின் துவக்கவிழாவில் நடத்திய இசை நிகழ்ச்சி சொதப்பலானது குறித்து மோகன்லாலை காட்டமாக விமர்சித்தவரும் கூட.
இப்படி சோஷியல் மீடியா மூலம் தனது கருத்துக்களை பகிரங்கமாக கூறி வரும் பைஜூ, அதற்கு ஆதரவாகத்தானே குரல் கொடுப்பார். அப்படித்தான் தங்களது படங்களை விமர்சிப்பதாலேயே சோஷியல் மீடியாக்களை எதிர்க்கும் சில இயக்குனர்களுக்கு எதிராகவும் போர்க்கொடி தூக்கியுள்ளார். 'சோஷியல் மீடியா விமர்சனங்களை எதிர்ப்பது முட்டாள்தனம்.. முடிந்தால் நீங்கள் நல்ல படத்தை எடுக்க முயற்சி செய்யுங்கள்.. நல்ல விஷயம் என்றால் சோஷியல் மீடியா பாராட்ட தயங்கியது இல்லையே” என மீண்டும் ஒரு சர்ச்சைக்கு திரி கொளுத்தியுள்ளார் பைஜூ.