சென்னையில் 60 தமிழகத்தில் 400 உலகமெங்கும் 1500... உத்தமவில்லன் சாதனை

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

18 ஏப், 2015 - 11:36 IST

எழுத்தின் அளவு:

Uthama-villain-creates-record-in-worldwide

கமல்ஹாசன் நடித்த படங்களுக்கு ரிலீஸ் நேரத்தில் தடைகள் ஏற்படுவது புதிதல்ல. அவற்றை எல்லாம் முறியடித்துவிட்டு திட்டமிட்ட தேதியில் கமல் படம் தியேட்டருக்கு வருவதற்குள் கமல் ரசிகர்கள் டென்ஷனில் துடித்துவிடுவார்கள். திருப்பதி பிரதர்ஸ் தயாரிப்பில் உருவாகியிருக்கும் 'உத்தமவில்லன்' படத்திற்கும் இப்படி எதிர்ப்பு கிளம்பியது. இன்னொரு பக்கம் தியேட்டர் அதிபர்களில் சிலரும் உத்தமவில்லன் படத்தை முடக்க முயற்சி செய்தனர். 'கொம்பன்' படத்திற்கு திரையுலகம் ஒன்றுகூடியதுபோல் 'உத்தமவில்லனு'க்கும் கைகோர்த்து ஆதரவு தெரிவித்ததால் இப்போது அப்படம் ரிலீஸாவதில் எந்த சிக்கலும் இல்லை என்ற நிலை உருவாகியிருக்கிறது. கடந்த வாரம் சென்சாருக்கு அனுப்பப்பட்ட உத்தமவில்லன் படத்துக்கு யு சான்றிதழ் கிடைத்தது. இதனால் ஏற்கெனவே திட்டமிட்டபடி படம் வரும் மே 1ஆம் தேதி ரிலீஸாவது உறுதியாகியுள்ளது. 'உத்தம வில்லன்' படத்திற்கு தமிழகத்தின் முக்கிய திரையரங்குகள் பலவற்றையும் 'புக்' செய்துவிட்டார்கள்.

குறிப்பாக சென்னையிலுள்ள முக்கிய திரையரங்குகளான சத்யம் சினிமாஸ், ஐநாக்ஸ், அபிராமி, தேவி, கமலா, ஏவிஎம் ராஜேஸ்வரி, உதயம் காம்ப்ளக்ஸ் உட்பட சுமார் 60 திரைகளில் ரிலீஸாகிறது உத்தம வில்லன். தமிழகத்தில் மட்டும் 400க்கும் அதிகமான திரையரங்குகளில் வெளியாகும் என எதிர்பார்க்கப்படுகிறது.

உத்தமவில்லன் இப்படம் உலகமெங்கும் 1500க்கும் அதிகமான திரையரங்குகளில் வெளியாக இருக்கிறது. இந்த எண்ணிக்கை சாதனையாக சொல்லப்படுகிறது.

Uthama villain

Kamal

உத்தமவில்லன்

கமல்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய