அஞ்சலிக்கு அதிகரிக்கும் வாய்ப்புகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அஞ்சலிக்கு அதிகரிக்கும் வாய்ப்புகள்

11 ஏப், 2015 - 13:51 IST

எழுத்தின் அளவு:

தமிழ்த் திரையுலகம் மட்டுமல்லாது , தெலுங்குத் திரையுலகத்திற்கும் அஞ்சலி மீது எப்போதுமே ஒரு கனிவான பார்வை உண்டு. இரு மொழித் திரைப்படங்களிலும் பல யதார்த்தமான கதாபாத்திரங்களுக்கு மிகவும் பொருத்தமான நடிகை எனப் பெயர் வாங்கியவர் அஞ்சலி. தமிழில் அவருடைய திறமையை வெளிப்படுத்திய சில படங்களின் மூலம் முன்னணி இடத்திற்கு வந்து விடுவார் என்று எதிர்பார்க்கப்பட்டவர். ஆனால், அதன் பின் குடும்பத்தில் ஏற்பட்ட குழப்பம் காரணமாக அவரைத் தேடிப் பிடிப்பதே பெரிய வேலையாக இருந்தது.

இங்கிருந்து தெலுங்கிற்குப் போய் அங்கும் ஒரு சில வெற்றிப் படங்களில் நடித்தார். அதன் பின் அங்கும் சொன்ன நேரத்திற்கு படப்பிடிப்பிற்கு வராமல் இழுத்தடிக்கவே பல வாய்ப்புகளை இழந்தார். தற்போது அனைத்துப் பிரச்சனைகளையும் முடித்து படங்களில் நடிப்பதை மட்டுமே அஞ்சலி கவனம் செலுத்தி வருகிறார் என்றும் சொல்கிறார்கள்.

அதனால் அவருக்கு பல புதிய வாய்ப்புகள் வந்து கொண்டேயிருக்கிறதாம். தமிழில் தற்போது 'மாப்பிள்ளை சிங்கம், அப்பா டக்கர்' படங்களில் நடித்துக் கெண்டிருக்கிறார். கார்த்திக் சுப்புராஜின் 'இறைவி' படத்திலும் அஞ்சலி நடிக்கப் போகிறார் என்று தகவல் வெளியாகியுள்ளது. தெலுங்கில் 'கீதாஞ்சலி 2' படத்தில் நடித்து வருகிறார். அடுத்து பாலகிருஷ்ணாவின் 100வது படத்தில் நாயகியாக நடிக்க அஞ்சலியை அழைத்துள்ளார்களாம்.

இனியாவது, அஞ்சலி அவரைத் தேடி வரும் அழைப்புகளை ஒழுங்காகப் பயன்படுத்திக் கொள்வாரா என்பதுதான் கேள்வி. சில வருட இடைவெளி இருந்தும் ஒரு ஹீரோயினுக்கு பெரிய வாய்ப்புகள் வருவது என்பது சாதாரண விஷயமல்ல.

Anjali

அஞ்சலி

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய