கன்னட இயக்குனருக்கு கொலை மிரட்டல்: நித்யானந்தா மீது பரபரப்பு புகார்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

10 பிப், 2015 - 12:10 IST

எழுத்தின் அளவு:

கன்னட இயக்குனர் மதன் பட்டேல், யாரிவானு (யார் இவன்) என்ற படத்தை கன்னடத்தில் இயக்கினார். இது போலி சாமியார் ஒருவரின் கதை. இந்த கதை தன்னை குறிவைத்து எடுக்கப்பட்டதாக கர்நாடக ஐகோர்ட்டில் நித்யானந்தா வழக்கு தொடர்ந்தார். வழக்கின் தீர்ப்பு இயக்குனருக்கு சாதகமாக வரவே அங்கு படம் ரிலீசானது.

தற்போது இந்தப் படத்தை சொர்க்கம் என் கையில் என்ற தலைப்பில் தமிழில் டப் செய்திருக்கிறார். இதனை சி.என்.என் என்ற நிறுவனம் வெளியிடுகிறது. படத்தை தமிழ்நாட்டில் திரையிட்டால் குடும்பத்தோடு கொலை செய்வோம் என்ற நித்யானந்தாவின் ஆட்கள் மிரட்டல் விடுப்பதாக மதன் பட்டேல் கூறினார்.

சென்னையில் நேற்று அவர் நிருபர்களிடம் கூறியதாவது: கன்னடத்தில் நான் இயக்கிய யாரிவானு என்ற படத்தை சொர்க்கம் என் கையில் என்ற பெயரில் தமிழில் டப் செய்திருக்கிறேன். இந்தப் படம் போலி சாமியார்களின் திரைமறைவு வேலைகளை சொல்கிற படம். கர்நாடகாவில் தணிக்கை செய்யப்பட்டு அங்கு வெற்றிகரகமாக ஓடியது. ஆனால் படத்தில் நித்யானந்தா சாமியாரை குறிப்பிடுவதாக கருதி தமிழ்நாட்டில் வெளியிட்டால் உன்னை கொலை செய்வோம் என்ற அவரது அமைப்பை சேர்ந்தவர்களும், இன்னும் சிலரும் மிரட்டி வருகிறார்கள்.

எனவே எனக்கு தகுந்த பாதுகாப்பு வழங்க வேண்டும் என்று தமிழக அரசையும், போலீசாரையும் கேட்டுக் கொள்கிறேன். படத்தை விநியோகஸ்தர்கள் வாங்கி வெளியிட அஞ்சுவதால் நானே 100 தியேட்டர்களில் வெளியிடுகிறேன் என்றார்.

Kannada Director

Madhan Patel

Sorkam En Kayil

Nithyananda

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய