Dinamalar

ஜனவரி மாத திரைப்படங்கள் ஒரு பார்வை...!

2014ம் ஆண்டில் 200க்கும் மேற்பட்ட திரைப்படங்கள் வெளிவந்து ஒரு புதிய சாதனையைப் படைத்தது. அது இந்த ஆண்டும் தொடர்ந்தாலும் ஆச்சரியப்படுவதற்கில்லை. 2015ம் ஆண்டின் முதல் மாதமான ஜனவரி மாதத்தில் மட்டும் 18 படங்கள் வெளிவந்தன. அந்த படங்கள் என்னென்ன...? இப்போது பார்ப்போம்...

கடந்த மாதம் வெளிவந்த படங்கள்...

ஜனவரி 2

திருவிக பூங்கா

விருதலாம்பட்டு

விஷயம் வெளியே தெரியக் கூடாது

ஜனவரி 9

வேட்டையாடு

கிழக்கே உதித்த காதல்

ஜனவரி 14

ஐ

ஆய்வுக்கூடம்

ஜனவரி 15

ஆம்பள

டார்லிங்

ஜனவரி 23

அரூபம்

அப்பாவி காட்டேரி

தொட்டால் தொடரும்

ஜனவரி 29

புலன் விசாரணை 2

ஜனவரி 30

டூரிங் டாக்கீஸ்

கில்லாடி

தரணி

இசை,

ஆகிய 17 படங்கள் வெளிவந்துள்ளன.

இவற்றில் “ஐ, ஆம்பள, டார்லிங், இசை” ஆகிய படங்கள் ரசிகர்களிடம் வரவேற்பைப் பெற்றுள்ளன. 'ஐ, டார்லிங்' ஆகிய இரண்டு படங்கள் வியாபார ரீதியாக மிகப் பெரிய வெற்றியைப் பெற்றுள்ளதாகவும், 'ஆம்பள' படம் சுமாரான வெற்றியைப் பெற்றுள்ளதாகவும் திரையுலக வட்டாரங்கள் தெரிவிக்கின்றன. 'இசை' படத்திற்கான வியாபார வசூல் எவ்வளவு என்பது இன்னும் சில நாட்களில்தான் தெரிய வரும். மற்ற படங்கள் தயாரிப்புச் செலவை விட மிக மிகக் குறைவான வசூலைப் பெற்ற படங்களாகவே அமைந்துள்ளதாகத் தெரிவிக்கிறார்கள்.

விக்ரம், விஷால், பிரசாந்த், பரத், எஸ்.ஜே.சூர்யா ஆகியோர் நடித்து வெளியான ஐந்து படங்களில்தான் தெரிந்த முகங்கள் நடித்திருக்கிறார்கள். மற்ற படங்களில் வளரும் நடிகர்களோ அல்லது புதுமுகங்களோதான் நடித்திருக்கிறார்கள்.

எஸ்.ஏ.சந்திரசேகரன், ஷங்கர், சுந்தர் .சி, ஆர்.கே.செல்வமணி, எஸ்.ஜே.சூர்யா, ஏ.வெங்கடேஷ் ஆகியோர்தான் பல படங்களை இயக்கிய இயக்குனர்கள். மற்றவர்களெல்லாம் புதுமுக இயக்குனர்கள்தான்.

'ஆம்பள' படத்தில் மட்டுமே முன்னணி நாயகியான ஹன்சிகா நடித்திருந்தார். 'ஐ' படத்தில் நடித்ததன் மூலம் எமி ஜாக்சன் முன்னணி நடிகைகள் பட்டியலில் இடம் பிடித்துவிட்டார்.

ஏ.ஆர்.ரகுமான் இசையமைத்த 'ஐ' படத்தின் பாடல்கள் தான் மிகப் பெரிய ஹிட் வரிசையில் சேர்ந்துள்ளது. 'டார்லிங்' படத்தின் பாடல்கள் சுமாரான ஹிட்டாகவும், 'ஆம்பள' படத்தின் பாடல்கள் எதிர்பார்த்தது போலவும் அமையவில்லை.

'இசை' படத்தில் இசையமைப்பாளராகவும் அறிமுகமாகியுள்ள எஸ்.ஜே.சூர்யா ஒரு சில இனிமையான பாடல்களைக் கொடுத்திருக்கிறார். இசையமைப்பாளராக இருந்து நாயகனாக 'டார்லிங்' படம் மூலம் அறிமுகமான ஜி.வி.பிரகாஷ்குமாரின் முதல் படமே வெற்றிப் படமாக அமைந்துவிட்டது.

இந்த 17 படங்களிலும் சில படங்கள் ஒரு வாரத்திற்கும் குறைவான படங்களாகவும், சில படங்கள் ஒரு சில நாட்கள் படங்களாகவும், சில படங்கள் ஒரு சில காட்சிகள் மட்டுமே ஓடிய படங்களாகவும் அமைந்துள்ளன.

சில படங்கள் திரையரங்குகளில் ஓடவில்லை என்றாலும் அந்த திரையரங்குகளின் பெயர்களைப் போட்டு 'மகத்தான வெற்றி' என்று விளம்பரம் செய்யும் வேலைகளும் நடந்திருக்கிறது.

100 கோடி வசூலைக் கடந்த படமாக ஆண்டின் முதல் மாதத்தில் வெளிவந்த 'ஐ' படம் அமைந்துவிட்டது.

ஜனவரி மாதத்தில் வெளியான படங்களைப் பொறுத்தவரையில் வெற்றி விகிதம் எவ்வளவு என்று கணக்கிட்டால் வெறும் 11 சதவீதம் மட்டுமே.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஓடிடி - வாழ வைக்கிறதா, நசுக்குகிறதா? : கலங்கும் கலையுலகம்
• 
  மாற்றத்தை ஏற்படுத்தாத மார்ச் மாதத் திரைப்படங்கள்
• 
  தமிழ் சினிமா 2024 - பிசுபிசுத்த பிப்ரவரி
• 
  காலத்திற்கேற்ப மாற்றத்தைக் கொண்டு வருமா தமிழ் சினிமா?
• 
  ஆரம்பமே இப்படியா...? - 2024ன் முதல் மாதம் ஓர் அலசல்