ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
'ஐ' என்று, சில பல வருடங்களுக்கு முன் வியக்க வைத்த இயக்குனர் ஷங்கர் அவர்களே...
மூன்று வருட உழைப்பு, 100 கோடி மதிப்பு, பிரமாண்ட வரவேற்பு என, 'ஐ' படத்தின் வெளியீடு அமோகம்! ஆயினும், 'ஜென்டில்மேன்' ஷங்கரை தமிழ் சினிமா இழந்து விட்டதோ' என்ற பயம் எனக்கு!
'அனைவருக்கும் இலவச கல்வி வேண்டும்'; 'ஊழல் இல்லா உலகம் வேண்டும்'; 'தனிமனித ஒழுக்கம் வேண்டும்' என்ற பாடங்களை எல்லாம், நான் படித்து கற்றேன் என்பதை விட, தங்களின் 'ஜென்டில்மேன், இந்தியன், அந்நியன்' படங்களை பார்த்து கற்றேன் என்பதுதான் உண்மை!
இப்படி, ஆழமான கதைக்களம், அழுத்தமான திரைக்கதை, அசாத்திய லொக்கேஷன்ஸ், அதிரடி பட்ஜெட் என்று வளர்ந்த நீங்கள்... காற்று புகாத இடத்தில்கூட, கேமராவை புகுத்தி பிரமிக்க வைக்கும் நீங்கள், காற்று போன பலூன் போன்ற ஒரு கதையைக் கொண்டு, 'ஐ'யகோ என்று கதற வைத்தது நியாயமா?
சரி, போகட்டும்... ஜாலியாக படத்தை ரசிக்கலாம் என்றால், பெண்களின் உள்ளாடையை வைத்து கேலி, பெண்ணின் பாகங்களை குறிப்பிட்டு 'நகைச்சுவை'(!) வசனம் (சுஜாதா சார், ஐ மிஸ் யூ!), திருநங்கையின் அறை எண்ணை காண்பித்து, அவர்களை சீண்டும் காட்சி என, அடுத்தடுத்து நீங்கள் அதிர்ச்சி அடைய வைத்ததில், மடியில் அமர்ந்திருந்த என் பாப்பாவின் கண்ணையும், காதையும், மூடி மூடி திறப்பதுதான் என் தலையாய கடமையாக இருந்தது.
இதெல்லாம் விட, 'கூனன்' விக்ரம் கதாபாத்திரமோ, '300' ஆங்கில படத்தின் 'எபியால்ட்ஸ் ஆப் ட்ரசிஸ்' கதாபாத்திரத்தை ஞாபகப்படுத்தியது. அவர்தானா இவர்?
இறுதியாக ஒரு வேண்டுகோள்... வைரஸ் போல பரவியிருக்கும் உங்கள் 'ஐ'யால், விக்ரமைவிட அதிகம் பாதிக்கப்பட்டது, என்னைப் போன்ற உங்களின் ரசிகர்களே! அதனால், உங்களின் அடுத்த அடியாவது, அகலமாக இல்லாமல், பழைய மாதிரி ஆழமாக இருக்கட்டும்!
இப்படிக்கு,
உங்கள் ரசிகை.