மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
தமிழ் சினிமாவின் ஆளுமை மிக்க படைப்பாளி பாரதிராஜா. தமிழ் சினிமாவில் நம்பர் ஒன் இடத்தை தக்க வைத்திருக்கும் 16 வயதினிலே தந்த மண்சார்ந்த படைப்பாளி. சினிமா நடிகராகும் ஆசையில் சென்னை வந்த ஹெல்த் இன்ஸ்பெக்டர் பாரதிராஜா, இயக்குனரானார் என்றாலும் அவருக்குள் இருக்கும் நடிகன் அவ்வப்போது எட்டிப் பார்ப்பான்.
கல்லுக்குள் ஈரம் என்ற படத்தில் ஹீரோவாக நடித்தார் பாரதிராஜா. அந்தப் படம் தோல்வி அடையவே நடிப்பதை கைவிட்டார். நீண்ட இடைவெளிக்கு பிறகு ஷங்கர் தயாரிப்பில் தாமிரா இயக்கிய ரெட்டைச்சுழி படத்தில் நடித்தார். அதுவும் சரியாக போகவில்லை. சுசீந்திரன் இயக்கத்தில் நடித்த பாண்டியநாடு படத்தில் விஷாலின் அப்பாவாக நடித்தார். அந்த படம் ஹிட்டாக அதன் பிறகு தொடர்ந்து நடிக்க ஆரம்பித்துவிட்டார்.
தற்போது அவர் மீண்டும் ஹீரோவாக நடிக்கிறார். படத்தின் பெயர் ஓம். இதையும் அவரே இயக்குகிறார். ஓய்வு பெற்ற ஒரு அரசு அதிகாரி தன் ஓய்வு காலத்தை கழிக்க அமெரிக்காவில் இருக்கும் மகள் வீட்டுக்கு போகிறார். அங்கு பக்கத்து வீட்டில் வசிக்கும் ஒரு இளம் பெண்ணுக்கு அவர் மீது காதல் வருகிறது. இருவருக்கும் இடையில் நடக்கும் உணர்ச்சிபூர்வமான விஷயங்கள்தான் படம். கிட்டத்தட்ட முதல் மரியாதை மாதிரியான கதை. யுவன் இசை அமைக்கிறார். அமெரிக்காவில் முதல்கட்ட படப்பிடிப்பை முடித்து திரும்பியிருக்கிறார் பாரதிராஜா.