ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழில் சில மாதங்களுக்கு முன் வெளிவந்து வெற்றிகரமாக ஓடிய திரைப்படம் 'அரண்மனை'. சுந்தர் .சி இயக்கத்தில் ஹன்சிகா, லட்சுமி ராய், ஆன்ட்ரியா, வினய், சந்தானம், கோவை சரளா, மற்றும் பலர் நடிப்பில் வெளிவந்த இத்திரைப்படம் வசூல் ரீதியாக மாபெரும் வெற்றிப் படமாக அமைந்தது. வழக்கமான 'சந்திரமுகி' டைப் பேய்ப்படம்தான் என்றாலும், கலகலப்பான நகைச்சுவையாலும், மூன்று கிளாமரான ஹீரோயின்களாலும் படத்தை அனைத்து ரசிகர்களும் ரசிக்கும் விதத்தில் இந்தப் படத்தைக் கொடுத்திருந்தார் இயக்குனர் சுந்தர் .சி.
தற்போது இந்தப் படம் தெலுங்கில் 'சந்திரகலா' என்ற பெயரில் டப்பிங் ஆகி வெளியாக உள்ளதாம். தெலுங்கில் பேய்ப் படங்களுக்கும், தமிழில் வெற்றி பெற்று தெலுங்கில் மொழி மாற்றம் ஆகும் படங்களுக்கும் எப்போதுமே நல்ல வரவேற்பு இருக்கும். அந்த விதத்தில் இந்தப் படமும் வெற்றிப் படமாக அமையும் என்று எதிர்பார்க்கப்படுகிறதாம். ஹன்சிகா தெலுங்கிலும் முன்னணி நடிகையாக இருப்பதாலும், தமிழிலேயே படத்தில் கொஞ்சம் 'தெலுங்குப்' பட வாசனை அடித்ததாலும் இந்தப் படம் நேரடி தெலுங்குப் படம் போலத்தான் இருக்கும் என டோலிவுட்டினர் சொல்கிறார்கள்.
'அரண்மனை' படமும் 'சந்திரமுகி' படம் போலவே ஒரு பழைய அரண்மனையைச் சுற்றிய படம்தான் என்பதால் பெயரில் கூட பெரிய வித்தியாசத்தை ஏற்படுத்தாமல் தெலுங்கில் 'சந்திரகலா' என்ற பெயரிலேயே பொருத்தமாக வெளியிடுகிறார்கள்.