ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
சிவகார்த்திகேயன் நடிக்கும் காக்கிச்சட்டை படத்தின் இசைவெளியீடு டிசம்பர் 14 ஆம் தேதி வெளியாக உள்ளது. இப்படத்தின் இசையை கமல் வெளியிடுகிறார். எதிர்நீச்சல் படத்தை இயக்கிய ஆர்.எஸ்.துரை செந்தில்குமார் இயக்கும் அடுத்த படம் காக்கிச்சட்டை. இப்படத்தை தனுஷ் தயாரிக்கிறார். இப்படத்தில் சிவகார்த்திகேயன் க்ரைம் பிராஞ்ச் போலீஸ் ஆபிஸராக நடிக்கிறார். வருத்தப்படாத வாலிபர் சங்கம் படத்தைத் தொடர்ந்து இரண்டாவது முறையாக இந்தப் படத்தில் சிவகார்த்திகேயனுக்கு ஜோடியாக நடித்திருக்கிறார் ஸ்ரீதிவ்யா. அதோடு, 3, எதிர்நீச்சல், மான் கராத்தே படங்களைத் தொடர்ந்து இப்படத்திற்கும் இசையமைக்கிறார் அனிருத்.
இறுதிக்கட்ட படப்பிடிப்பில் இருக்கும் காக்கிச்சட்டை படத்தின் பாடல்களை டிசம்பர் 2 ஆம் வாரத்தில் அதாவது 14 ஆம் தேதி அன்று வெளியிடத் திட்டமிட்டிருக்கிறார்களாம். பழைய காக்கிச்சட்டை படத்தின் கதாநாயகனான கமல் புதிய காக்கிச்சட்டை படத்தின் இசையை வெளியிட்டால் பொருத்தமாக இருக்கும் என்பதால் கமலை அணுகி உள்ளனர். கமல்ஹாசனும் வர சம்மதித்துவிட்டாராம். காக்கிச்சட்டை படத்தை வரும் ஜனவரி 26 ஆம் தேதி வெளியிடவும் திட்டமிட்டிருக்கிறார்களாம். இப்படத்தின் தமிழக உரிமையை எஸ்கேப் ஆர்ட்டிஸ்ட் மதன் பெற்றிருக்கிறார்.