நவம்பர் 14-ல் லிங்கா இசை வெளியீடு!

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

நவம்பர் 14-ல் லிங்கா இசை வெளியீடு!

27 அக், 2014 - 10:10 IST

எழுத்தின் அளவு:

ஏ.ஆர்.ரகுமானின் இசையில் ஐ படத்தின் பாடல்கள் கடந்த மாதம் வெளியானது. அதையடுத்து, அவரது இசையில் வசந்தபாலனின் காவியத்தலைவன் உருவாகிக் கொண்டிருக்கிறது. இந்த படத்தின் பிரஸ்மீட்டில், எனது கேரியரில் இந்த காவியத்தலைவன் முக்கியமான படம் என்று தெரிவித்தார் ரகுமான்.

அதாவது நான் ஒரு ஈரானிய இயக்குனரை சந்தித்தபோது நீங்கள் ஏன் உங்கள் நாட்டு படங்களுக்கும் உங்கள் கலாச்சார இசையை கொடுப்பதில்லை என்று கேட்டார். அப்போது எனக்கு அவரிடம் சரியான பதில் கொடுக்க முடியவில்லை. ஆனால் காவியத்தலைவன் படத்திற்கு இசையமைக்க வாய்ப்பு வந்தபோதுதான், நாடகக்கலைஞர்களின் வாழ்க்கையை மையமாக வைத்து உருவாகும் இந்த படத்திற்கு நம்முடைய இசையை கொடுத்து, இதோ எங்கள் பாரம்பரிய இசைக்கருவிகளை கொண்டு இந்த படத்திற்கு இசையமைத்திருக்கிறேன் என்பதை அவரிடம் கூற வேண்டும் என்று முடிவு செய்தேன் என்று தெரிவித்தார்.

அப்படி வெளிநாட்டவரிடம் தனது அடையாளமாக காட்டிக்கொள்ளப்போகும் காவியத்தலைவன் படத்திற்கு தற்போது பின்னணி இசையமைத்து வரும் ஏ.ஆர்.ரகுமான், ஷங்கரின் ஐ படத்தின் பின்னணி இசைக்கோர்ப்பு வேலைகளிலும் ஈடுபட்டிருக்கிறார். இதற்கிடையே ரஜினியின் லிங்கா படத்திற்கான பாடல்களுக்கும் இசையமைத்து கொடுத்து வருகிறார்.

இதில் காவியத்தலைவன் நவம்பர் 14-ந்தேதி திரைக்கு வர இருப்பதாக இப்போது தகவல் வெளியாகியிருக்கிறது. அதே தேதியில் ரஜினியின் லிங்கா படத்தின் ஆடியோ வெளியீடடு விழாவும் நடக்கிறதாம். இதனால் ரகுமானின் இசைக்கூடாரம் எப்போதும் பிசியாகவே காணப்படுகிறது.

a.r.rahman

vasanthabalan

rajini

linga

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய