ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
ரஜினிதான் தமிழ் சினிமாவின் ஒரே சூப்பர் ஸ்டார் என்று பெரும்பாலானோர்கள் சொல்லிக்கொண்டு வரும் நிலையில், லிட்டில் சூப்பர் ஸ்டார், யங் சூப்பர் ஸ்டார் என்றெல்லாம் தனக்குத்தானே பட்டப்பெயர் சூட்டிக்கொண்டார் சிம்பு. அவரைப்பார்த்து ரஜினிக்கு மருமகனான பிறகு தனுசும் தனது பெயருக்கு முன்னால் இளைய சூப்பர் ஸ்டார் என்று பட்டம் வைத்துக்கொண்டார்.
ஆனால், ஒரு கட்டத்தில் அதை நீக்கி விட்டார். அதேபோல் இப்போது சிம்புவும் யங் சூப்பர் ஸ்டாரை நீக்கி விட்டார். இந்த நிலையில், கோடம்பாக்கத்தில் அஜீத், விஜய்க்கிடையேதான் அடுத்த சூப்பர் ஸ்டார் யார் என்கிற போட்டி நடந்து கொண்டிருக்கிறது. சில மேடைகளில் அஜீத்தரப்பினர் அடுத்த சூப்பர் ஸ்டார் அஜீத்தான் என்றும், விஜய்தரப்பினரும் அடுத்த சூப்பர் ஸ்டார் விஜய்தான் என்று சொல்லிக் கொண்டு வருவது தொடர்ந்து நடைமுறையில் இருந்து வருகிறது.
இந்த நிலையில், இந்த தீபாவளி தினத்தில் ரஜினியின் லிங்கா படத்தின் பர்ஸ்ட் லுக் போஸ்டர் வெளியாகி ரசிகர்களை பெரிதும் கவர்ந்துள்ளது. அதோடு சமூகவலை தளத்திலும் வேகமாக பரவிக்கொண்டிருக்கிறது. அதனால் ரஜினியின் ரசிகர்கள் அதைப்பார்த்து பெரிய சந்தோசத்தில் இருக்கிறார்கள்.
இந்த நிலையில், தனுசும் லிங்கா ரஜினியின் போஸ்டரைப் பார்த்து அதிக சந்தோசத்தில் இருப்பதாக டுவிட்டரில் செய்தி வெளியிட்டுள்ளார். அதோடு, ஒரே சந்திரன், ஒரே சூரியன் மாதிரி ஒரே தலைவர் சூப்பர் ஸ்டார் ரஜினிதான் என்றும் தனது கருத்தினை பதிவு செய்திருக்கிறார்.