கேரளா - இறந்த ரசிகருக்காக விஜய்யின் இரங்கல் கடிதம்...

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கேரளா - இறந்த ரசிகருக்காக விஜய்யின் இரங்கல் கடிதம்...

24 அக், 2014 - 14:14 IST

எழுத்தின் அளவு:

'கத்தி' திரைப்படம் கேரளாவிலும் மிகப் பெரிய அளவில் திரையிடப்பட்டு, அங்கு ரசிகர்களாலும் பட வெளியீடு கொண்டாடப்பட்டது. வடக்கஞ்சேரி என்ற ஊரில் படம் பார்த்த ரசிகர் ஒருவர் விஜய்யின் மிகப் பிரம்மாண்டமான கட்அவுட்டுக்கு பாலாபிஷேகம் செய்ய முயற்சித்த போது, தவறி விழுந்து இறந்தார். கேரளாவில், அதிர்ச்சிகரமான சம்பவமாக நடந்து இந்த மரணத்திற்கு பலரும் கண்டனங்களைத் தெரிவித்து வருகிறார்கள்.

தனது ரசிகர் ஒருவரின் மரணத்தைப் பற்றிக் கேள்விப்பட்ட விஜய், அதற்காக அவருடைய இரங்கலைத் தெரிவித்திருக்கிறார். அது குறித்து அவர் வெளியிட்டுள்ள இரங்கல் கடிதத்தில் குறிப்பிடப்பட்டுள்ளதாவது, “நேற்றைய கொண்டாட்டத்தில் மரணமடைந்த உன்னிகிருஷ்ணன் அவர்களுக்கும், அவரது குடும்பத்தார், நண்பர்கள் அனைவருக்கும் எனது இதயபூர்மான இரங்கலைத் தெரிவித்துக் கொள்கிறேன். என் மீது பிரியமாக உள்ள ஒருவரின் இழப்பை ஈடுசெய்யவே முடியாது, அது எப்போதும் எனது இதயத்தில் இருந்து கொண்டேயிருக்கும்.

எனது ரசிகர்களுக்கு ஒரு வேண்டுகோள், தீபாவளி போன்ற விழாக்காலங்களில், உங்களது ஆதரவை உங்களது உயிருக்கும் மற்றவர்களது உயிருக்கும் ஆபத்தில்லாமல் தெரிவியுங்கள். தகுந்த பாதுகாப்புடனும், முன்னெச்சரிக்கையுடனும் இருங்கள், இல்லையென்றால் இது போன்ற சம்பவங்கள் தாங்கிக் கொள்ள முடியாத வலிகளை ஏற்படுத்தும். உங்கள் மீதான உங்கள் மரியாதைதான் என் மீது நீங்கள் வைத்திருக்கும் மரியாதைக்கான அடையாளமாக இருக்கும், ” என விஜய் அந்த அறிக்கையில் தெரிவித்துள்ளார்.

அவர் கேரளாவிற்குச் சென்று அந்தக் குடும்பத்தினருக்கு நேரடியாக ஆறுதல் சொல்லி, உதவிகள் செய்வாரா என்பது அவருடைய ரசிகர்களின் எதிர்பார்ப்பாக உள்ளது.

vijay

fan

mourning

kaththi

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய