Dinamalar

தீபாவளி ரேஸில் முந்துவது எது?...கத்தியா ...? பூஜையா...?

கடந்த சில வருடங்கள் முன்னர் வரை தீபாவளிக்கு குறைந்தபட்சம் ஐந்து முதல் பத்து திரைப்படங்களாவது வெளிவருவது வழக்கம். ஆனால், இந்த வருடம் வெறும் இரண்டே இரண்டு படங்கள் வெளிவந்தது ஒரு பக்கம் அதிர்ச்சி என்றாலும், வெளியான இரண்டு படம் சம்பந்தப்பட்டவர்களுக்கு மகிழ்ச்சிதான். ஏனென்றால், வெறும் இரண்டே இரண்டு படங்கள் மட்டுமே இந்தப் போட்டியில் உள்ளதால், அவர்களுக்கு பல திரையரங்குகள் எளிதாகக் கிடைக்க வாய்ப்பாக அமைந்தது.

விஜய் நடித்த 'கத்தி' திரைப்படம் நேற்று விடியற்காலை காட்சியுடனே பல ஊர்களில் ஆரம்பமாகியுள்ளது. தீபாவளிக்கு முதல் நாள்தான் படத்திற்கான முன்பதிவு ஆரம்பமனாலும் இந்த வாரக் கடைசி வரை முன்பதிவு நடந்துள்ளது என திரையரங்க வட்டாரங்கள் தெரிவிக்கின்றன. படத்திற்கான ரிப்போர்ட்டும் நல்லபடியாகவே இருக்கிறது என்கிறார்கள். விஜய் ரசிகர்களுக்கு படம் எந்த அளவிற்கு பிடிக்குமோ தெரியாது, ஆனால், விஜய் இதுவரை நடித்துள்ள படங்களிலேயே இந்தப் படம்தான் சிறந்தது என பலரும் அவர்களது கருத்துக்களை சமூக வலைத்தளங்களில் பதிவு செய்து வருகிறார்கள். படத்தின் முன்பாதி தான் 'வெயிட்' ஆக இல்லை என்பது பலரின் குற்றச்சாட்டு. இருந்தாலும் படம் முடிந்து வெளிவரும் போது ரசிகர்கள் திருப்தியாக வருகிறார்கள் என்ற தகவல்தான் கிடைத்துள்ளது.

'பூஜை' படம் இயக்குனர் ஹரியின் வழக்கமான கமர்ஷியல் மசாலாதான். விஷாலின் பரபரப்பான ஆக்ஷனும், ஸ்ருதிஹாசனின் படு கிளாமரான தோற்றமும், சூரியின் நகைச்சுவையும், படத்தில் உள்ள சென்டிமென்ட்டும் கவரும் விதத்தில் உள்ளதாம். இந்தப் படமும் பல ஊர்களில் முன்பதிவிலும் முன்னணியில் உள்ளதாகவே சொல்கிறார்கள்.

முதல் வார வசூல் என்பது 'பூஜை'யை விட 'கத்தி'க்குதான் அமோகமாக இருக்கும் என திரையரங்க வட்டாரங்களில் சொல்கிறார்கள்.

• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...

• 
  திரையுலகில் 50 ஆண்டுகள் : ரஜினிகாந்த்துக்கு இபிஎஸ், உதயநிதி, பிரேமலதா ...
• 
  கூலி படத்தில் ரஜினிக்கு ஜோடி கிடையாதா?
• 
  மைக்கை வைத்துவிட்டு வெளியேறட்டுமா? : வார் 2 விழாவில் டென்ஷனான ஜூனியர் ...
• 
  பிளாஷ்பேக்: திரைக்கதை வசனம் எழுதிய ரஜினி; வெள்ளித்திரையில் மின்னத் தவறிய ...
• 
  அபினய்-க்கு உதவிய தனுஷ்