Dinamalar

கத்தி டீசர், டிரைலர்களின் அமோக சாதனை...

விஜய்க்கு எந்த அளவிற்கு வரவேற்பு இருக்கிறது என்பதை சமீபத்தில் வெளியிடப்பட்ட கத்தி படத்தின் டீசர்களும், டிரைலர்களும் நிரூபித்து வருகின்றன. ரஜினிகாந்திற்கு அடுத்து தமிழ்த் திரையுலகில் விஜய்தான் சூப்பர் ஸ்டார் என செய்திகள் வெளிவந்த போது பலரும் அதற்கு எதிர்ப்பு தெரிவித்தார்கள். ஆனால், தமிழ்த் திரையுலகில் வியாபார ரீதியில் ரஜினிகாந்த்திற்கு அடுத்த இடத்தில் விஜய்தான் இருக்கிறார் என வினியோகஸ்தர்கள் தெரிவிக்கிறார்கள்.

அந்த இடத்தை கடந்த சில நாட்களாக வெளியிடப்பட்டு வரும் கத்தி படத்தின் டீசர்களும், டிரைலர்களும் நிரூபித்து வருகின்றன. யு டியுப் வீடியோ இணையதளத்தில் மூன்று நாட்களுக்கு முன்னதாக கத்தி படத்தில் இடம் பெற்றுள்ள ஆத்தி.... பாடல் டீசர் வெளியிடப்பட்டது. இந்த டீசரை இதுவரை 13 லட்சத்திற்கும் மேற்பட்டோர் பார்வையிட்டுள்ளனர். அடுத்து வெளியிடப்பட்ட செல்ஃபி புள்ள.. பாடல் டீசரை இதுவரை 13 லட்சத்திற்கும் மேற்பட்டோர் பார்வையிட்டுள்ளனர்.

நேற்று மாலை 6 மணியளவில் வெளியிடப்பட்ட கத்தி டிரைலரை கடந்த சில மணி நேரங்களுக்குள்ளாகவே 8 லட்சத்திற்கும் மேற்பட்டோர் பார்வையிட்டுள்ளனர். மொத்தத்தில் மூன்று நாட்களில் முப்பது லட்சத்திற்கும் மேற்பட்டோர் பார்வையிட்ட எண்ணிக்கையை கத்தி படத்தின் டீசர்களும், டிரைலர்களும் தொட்டிருக்கின்றன. இப்படி ஒரு சாதனையை ரஜினிகாந்தின் கோச்சடையான் படம் கூட தொடவில்லை என்பது குறிப்பிடத்தக்கது. ஒவ்வொரு பெரிய நட்சத்திரங்களின் படம் வெளிவரும் போதும் தமிழ்த் திரைப்படங்கள் மக்களிடம் சென்று சேரும் விதத்தில் அடுத்த கட்டத்தை அடைந்து வருகின்றன.

இதையடுத்து ரஜினிகாந்த் நடித்து வெளிவர இருக்கும் லிங்கா படமும், அஜித் நடித்து வெளிவர இருக்கும் படமும் வேறு ஒரு சாதனையை புரியும் என்றும் எதிர்பார்க்கலாம்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'
• 
  கர்ப்பமாக இருக்கும் கியாரா அத்வானிக்காக டாக்ஸிக் படப்பிடிப்பை ...

• 
  சூர்யா 45வது படத்தின் டைட்டில் 'கருப்பு': போஸ்டர் வெளியிட்ட ஆர்.ஜே.பாலாஜி!
• 
  அடுத்த தலைமுறைக்கு இதைத்தான் கொடுக்க போகிறோமா ? நடிகை மஞ்சிமா காட்டம்
• 
  கவர்ச்சி ஆட்டத்தில் இறங்கிய காயத்ரி
• 
  டாம் குரூசுக்கு சிறப்பு ஆஸ்கர் விருது அறிவிப்பு
• 
  பிளாஷ்பேக்: டி.ராஜேந்தர் 2 வேடங்களில் நடித்த படம்