சல்மானின் பிக்பாஸில் தன் படத்தை புரொமோட் செய்யாத ஷாரூக்கான்!

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

17 அக், 2014 - 12:01 IST

எழுத்தின் அளவு:

சல்மான் கானுக்கும், ஷாரூக் கானுக்கும் இடையே ஒரு பனிப்போர் நடந்து வருவது அனைவரும் அறிந்ததே. இந்த சூழலில் தனது ஹேப்பி நியூ இயர் படத்தை, சல்மான் கான் நடத்தி வரும் பிக்பாஸ் நிகழ்ச்சியில், ஷாரூக்கான் புரொமோட் செய்யமாட்டார் என தெரிகிறது. பராகான் இயக்கத்தில், ஷாரூக்கான், தீபிகா, அபிஷேக், போமன் இரானி, சோனு சூட், விவன் ஷா ஆகியோரது நடிப்பில் உருவாகியுள்ள படம் ''ஹேப்பி நியூ இயர்''. இப்படம் தீபாவளி சரவெடியாக அக்., 24ம் தேதி வெளியாக இருக்கிறது. இதனால் தற்போது ஹேப்பி நியூ இயர் படத்தின் புரொமோஷனில் படுபிஸியாக ஷாரூக் உள்ளிட்ட படக்குழுவே தீவிரமாக ஈடுபட்டு இருக்கிறது. சமீபத்தில், அமெரிக்கா, கனடா மற்றும் லண்டனில் ஹேப்பி நியூ இயர் படத்தை புரொமோட் செய்தனர். தொடர்ந்து பல்வேறு ஊர்களில் புரொமோஷன் செய்து வருகின்றனர்.

இந்நிலையில் டிவி நிகழ்ச்சியான, ''காமெடி நைட்ஸ் வித் கபில்'' மற்றும் அமிதாப் பச்சனின், ''குரோர்பதி'' போன்ற நிகழ்ச்சிகளிலும் ஹேப்பி நியூ இயர் படக்குழு பங்கேற்று தங்களது படத்தை புரொமோட் செய்தனர். அதனால் சல்மான் கானின் பிக்பாஸ் நிகழ்ச்சியிலும், ஷாரூக்கான், ஹேப்பி நியூ இயர் படத்தை புரொமோட் செய்வார் என்று பரவலாக பேசப்பட்டது. ஆனால் தனது படத்தை பிக்பாஸ் நிகழ்ச்சியில் கண்டிப்பாக புரொமோட் செய்யப்போவதில்லை என்ற முடிவில் இருக்கிறாராம் ஷாரூக்கான். இதன்மூலம் ஷாரூக்கான்-சல்மான்கான் இடையேயான பனிப்போர் இன்னும் ஓயவில்லை என தெரிகிறது.

Shahrukh khan

Happy new year

Big Boss

Salman khan

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

க்ரிஷ்- 4 : பவர்புல் வில்லனாக மாறும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய