ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
சினிமா இரண்டரை மணி நேரம் ஓடும். ஆனால் சின்னத்திரை சீரியல் ஆயிரம் எபிசோட்களை தாண்டும். அதாவது ஆயிரம் மணிநேரத்தையும் தாண்டி ஓடும். சீரியலில் சிறிய கேரக்டர்களில் நடிப்பவர்கள், அதிலிருந்து விலகி விட்டாலோ, அல்லது மரணம் அடைந்து விட்டாலோ கதையிலும் அவர் இறந்துவிட்டதாக காட்டி விடுவார்கள். அல்லது கண்டுகொள்ளாமல் விட்டு விடுவார்கள். ஆனால் முக்கிய கேரக்டர்களில் நடிப்பவர்கள் விலகிக் கொண்டால் அவருக்கு பதிலாக இன்னொருவரை நடிக்க வைப்பார்கள். "அவருக்கு பதில் இவர்" என்று டைட்டில் கார்டு போடுவார்கள். இது எப்போதாவது நடக்கிற ஒன்று. ஆனால் சமீபகாலமாக இது அதிகரித்துள்ளது.
புகழ்பெற்ற சரவணன் மீனாட்சி தொடரில் சரவணனாக நடித்துக் கொண்டிருந்த இர்பான், சினிமாவில் நடிக்க போய்விட்டதால் தற்போது சரவணனாக வெற்றி நடிக்கிறார். இரண்டாவது பகுதியின் 200 வது எபிசோடில் இந்த மாற்றம் ஏற்பட்டுள்ளது.
உறவுகள் சங்கமம் தொடரில் 25 எபிசோட்கள் முடிந்துவிட்ட நிலையில் இப்போது பாரதிக்கு பதில் ஸ்ரீதுர்கா நடிக்கிறார். அழகி தொடரில் சாலு குரியன் நடித்த கேரக்டரில் இப்போது குட்டி பூஜா நடிக்கிறார். வாணி ராணி தொடரில் ராதிகாவின் மகனாக 400 எபிசோட்கள் வரை நடித்த அஜீத்துக்கு பதிலாக மானஸ் நடிக்கிறார்.
தெய்வம் தந்த வீடு தொடரில் நடித்துக் கொண்டிருந்த சரண்யாவுக்கு திடீர் உடல்நலக்குறைவு ஏற்பட்டு விட்டதால் அவருக்கு பதிலாக மோனிகா நடிக்கிறார். மல்லி தொடரில் நடித்த சோனியா அகர்வால் அதிலிருந்து விலகிக் கொள்ள, இப்போது சாண்ட்ரியா நடிக்கிறார்.
"இந்த மாற்றங்கள் தவிர்க்க முடியாதவை. முதலில் ரசிகர்கள் கொஞ்சம் குழம்புவார்கள். பின்னர் மாற்றத்தை ஏற்றுக் கொள்வார்கள். அவர்கள் கவனம் கதையில் ஆழ்ந்து இருப்பதால்தான் இந்த மாற்றங்களை செய்ய முடிகிறது" என்கிறார்கள் சின்னத்திரை இயக்குனர்கள்.