ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழ்சினிமாவில் பெரிய அளவில் ரவுண்டு வருவார் என்ற நம்பிக்கையை ஏற்படுத்தியுள்ள நடிகை மோனல் கஜார். மிஸ்.குஜராத், மிஸ் மிர்ச்சி குயின் பீ ஆகிய அழகிப்போட்டிகளில் டைட்டில் வென்ற மோனல் கஜார், டிராகுலா என்ற மலையாளப்படத்தின் மூலம் சினிமாவுக்கு வந்தவர். தொடர்ந்து ஹிந்தி, தெலுங்குப்படங்களில் நடித்த மோனல் கஜார் வானவராயன் வல்லவராயன் என்ற படத்தின் மூலம் தமிழில் நடிக்க ஒப்பந்தமானார். இப்படத்தில் கிருஷ்ணாவுக்கு ஜோடியாக மோனல் கஜார் நடித்திருக்கிறார். சின்னத்திரை தொகுப்பாளர் மாகாபா ஆனந்தும் இப்படத்தில் நடித்திருக்கிறார். ராஜமோகன் இயக்கியிருக்கும் இப்படத்திற்கு யுவன் ஷங்கர் ராஜா இசையமைத்திருக்கிறார். ஆனாலும் இப்படம் பிசினஸ் ஆகாமல் பல மாதங்களாக கிடந்தது.
இதற்கிடையில் யுடிவி தயாரிப்பில், விக்ரம் பிரபுவுக்கு ஜோடியாக சிகரம் தொடு படத்தில் கமிட்டானார் மோனல் கஜார். ஏடிஎம் கொள்ளையை மையமாக வைத்து தூங்கா நகரம் கௌரவ் இயக்கத்தில் உருவாக்கப்பட்டிருக்கும் இந்த ஆக்ஷன் த்ரில்லருக்கு டி.இமான் இசையமைத்திருக்கிறார். வானவராயன் வல்லவராயன் படத்தைப் போலவே சிகரம் தொடு படமும் கடந்த சில மாதங்களாக நிறுத்தி வைக்கப்பட்டு, அதன் பிறகுதான் மீண்டும் படப்பிடிப்பு நடைபெற்றது.
தான் நடித்த இரண்டு படங்களுமே முடங்கிக்கிடப்பதை எண்ணி வருத்தத்தில் இருந்தால் மோனல் கஜார். இப்போது வருத்தமெல்லாம் போயேபோச்சு! ஏன்? மோனல் கஜார் நடித்த வானவராயன் வல்லவராயன்,சிகரம் தொடு ஆகிய இந்த இரண்டு படங்களுமே ஒரே நாளில், அதாவது வரும் செப்டம்பர் 12ஆம் தேதி வெளியாகவிருக்கிறது. செம குஷியில் இருக்கிறார் மோனல் கஜார்!