மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
சினிமாவை ஒழுங்காக இயக்குவதைத் தவிர மற்ற எல்லா வேலைகளையும் ராம்கோபால் வர்மா பார்ப்பார் போலிருக்கிறது. இந்து மக்கள் தெய்வ பக்தியுடன் கொண்டாடும் விநாயகர் சதுர்த்தியைப் பற்றி கிண்டலடிக்கும் விதத்தில் அவருடைய சமூக வலைத்தளத்தில் ஒரு பதிவைப் போட்டு இந்து மக்களின் கோபத்திற்கு ஆளாகியிருக்கிறார். இது சம்பந்தமாக அவருக்கு பலத்த எதிர்ப்பு கிளம்பியிருக்கிறது.
அவருடைய பதிவில், “விநாயகரின் சகோதரரான முருகன் செய்யாததை விநாயகர் செய்ததால்தான் அவர் கடவுளானாரா. விநாயகரைப் போல் முருகன் தலையை வெட்டுப்படவில்லை என்பதுதான் காரணமா. இன்று விநாயகர் உண்மையாகவே பிறந்தாரா அல்லது அவருடைய அப்பாவால் தலை இன்று வெட்டப்பட்ட நாளா என்பதை யாராவது எனக்கு சொல்வீர்களா ?. விநாயகர் அவருடைய கைகளால் சாப்பிடுவாரா அல்லது தும்பிக்கையால் சாப்பிடுவாரா ?. அவரை வேண்டுபவர்களுக்கு என்னவெல்லாம் செய்துள்ளார் என்பதை விநாயக பக்தர்கள் எனக்கு சொல்வார்களா. தன்னுடைய தலையையே காப்பாற்றிக் கொள்ளாதவர், மற்றவர்களின் தலையை எப்படிக் காப்பாற்றுவார் ?.
மற்ற கடவுளை விட விநாயகர் அதிகம் சாப்பிடுவாரா. ஏனென்றால் மற்ற கடவுள்கள் எல்லாம் நேர்த்தியாகவும், வலிமையாகவும் இருக்கிறார்கள். விநாயகருக்கு சிறு வயதிலேயே தொப்பை வந்துவிட்டதா, அல்லது யானையின் தலையை வைத்த பிறகு வந்ததா?. இனிய விநாயகர் சதுர்த்தி வாழ்த்துகள். இந்த ஆகஸ்ட் 29ம்நாளில் உங்களுக்கு மகிழ்ச்சியான வாழ்க்கை அமைய வாழ்த்துகள். 30ம் தேதி முதல் உங்களுக்கு எந்த பிரச்னையும் இல்லாமல் இருக்கட்டும்.
இப்படி நான் கேட்பது அனைத்துமே என்னுடைய அப்பாவித்தனத்தாலும், அறியாமையால் மட்டும்தான். விநாயகரைப் பற்றிய என்னுடைய கேள்விகளை நிபுணர்கள் தீர்த்து வைப்பார்கள் என நினைக்கிறேன். என்னுடைய படங்கள் தோல்வியடைவது கூட கடவுள் மீதான என்னுடைய அணுகுமுறை என்றுதான் நினைக்கிறேன். நானும் சிறந்த பக்தனாக வர ஆசைப்படுகிறேன். மதமும், குடியும் மனிதனால் கண்டுபிடிக்கப்பட்ட சிறந்த போதைகள் என பிரடெரிக் நீட்சே சொல்லியிருக்கிறார் என்று கூறியுள்ளார்.
சொன்னதையெல்லாம் சொல்லிவிட்டு பின்னர் வழக்கம் போல மன்னிப்பு கேட்டிருக்கிறார் ராம்கோபால் வர்மா. “விநாயகரைப் பற்றிய என்னுடைய டுவிட்டுகள் நான் வழக்கமாகப் பதிவிடுவது போலத்தான், யாரையும் புண்படுத்த வேண்டும் என்ற நோக்கத்தில் போடவில்லை. அப்படி இருந்தால் அதற்காக மன்னிப்பு கேட்டுக் கொள்கிறேன்,” என்றும் தெரிவித்துள்ளார்.
அவரின் இப்படிப்பட்ட விநாயகரைப் பற்றிய பதிவு இந்து மக்களை மிகவும் புண்படுத்துவது என பாரதீய ஜனதா கட்சி உட்பட பலர் கண்டனம் தெரிவித்துள்ளனர்.