அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு |
ஷங்கர் இயக்கத்தில் விக்ரம் எமிஜாக்சன் நடித்துள்ள ஐ படம் எப்போது வெளியாகிறது என்பதில் சஸ்பென்ஸ் நீடித்து வந்தது. படத்தின் போஸ்ட் புரடக்ஷன்ஸ் பணிகள் கடந்த சில வாரங்களாக பரபரப்பாக நடைபெற்று வருகின்றன. இந்நிலையில், விக்ரம் ரசிகர்களை சந்தோஷப்படுத்தும்வகையில் ஐ படத்தின் வெளியீட்டு தேதி இறுதி செய்யப்பட்டிருக்கிறது.! தீபாவளி அன்று ஐ படத்தை உலகம் முழுக்க பிரம்மாண்டமான முறையில் வெளியிட தீர்மானித்துவிட்டார் ஷங்கர்.அவரது முடிவுக்கு ஐ படத்தின் தயாரிப்பாளரான ஆஸ்கார் ரவிசந்திரன் டபுள் ஓகே சொல்லிவிட்டாராம்.
ஐ படம் தீபாவளிக்கு வெளியாகிறது என்ற தகவலை அறிந்து கத்தி பட நாயகன் விஜய்யும், இயக்குநர் ஏ.ஆர்.முருகதாஸும் அப்செட்டாகிவிட்டனராம். இவர்கள் மட்டுமல்ல, பூஜை பட நாயகன் விஷால், அனேகன் பட நாயகன் தனுஷ் ஆகியோரும் கூட கடும் அப்செட்டாகி உள்ளனர். கத்தி படம் வெளியாகும் அதே தினத்தில் பூஜை, அனேகன் போன்ற படங்கள் வெளியாக இருப்பது பற்றி விஜய் ஆரம்பத்தில் இருந்தே அலட்டிக்கொள்ளவில்லை. அந்தப் படங்களினால் கத்தி படத்தின் கலெக்ஷனுக்கும் பாதிப்பு வராது என்று விஜய் எண்ணியதுதான். ஆனால் ஐ பட விஷயத்தில் அவரால் தெம்பாக இருக்க முடியவில்லை.
ஷங்கர் இயக்கும் படம் என்பதால் ஐ படத்துடன் கத்தி படம் போட்டிபோடவே முடியாது என்பதை உணர்ந்தே விஜய் அப்ஸெட்டாகிவிட்டாராம். எனவே, ஐ படம் வெளியான பிறகு இரண்டு வாரம் கழித்து கத்தி படத்தை வெளியிடலாமா என்ற ஆலோசனையிலும் இறங்கி உள்ளனர் விஜய்யும், ஏ.ஆர்.முருகதாஸும் ஐ படத்தை நினைத்து கத்தி படமே இப்படி கதிகலங்கிப்போகும்போது பூஜை, அனேகன் படங்களைப் பற்றி சொல்லவா வேண்டும்?
ஐ படம் தீபாவளிக்கு வெளிவருவது உறுதியாகும்போது கத்தி, பூஜை, அனேகன் படங்கள் சில வாரங்கள் தள்ளிப்போகும் என்பதே லேட்டஸ்ட் நிலவரம்!