மணிரத்னம் படத்தை மறுத்த சிரஞ்சீவியும், அவரது மகனும்...

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

24 ஆக, 2014 - 14:55 IST

எழுத்தின் அளவு:

தெலுங்குத் திரையுலகின் மெகா ஸ்டாரான சிரஞ்சீவி அவருடைய 150வது படத்திற்காக பலரிடம் கதைகளைக் கேட்டு வருகிறார். ஏற்கெனவே, இயக்குனர் மணிரத்னம், சிரஞ்சீவியைச் சந்தித்து கதை சொன்னதாக தகவல்கள் வெளியானது. அதன் பின் அதைப் பற்றிய பேச்சுகள் எழவில்லை. இந்த நிலையில் சிரஞ்சீவி, மணிரத்னம் சொன்ன கதையை நிராகரித்ததாக செய்திகள் வெளியாகியுள்ளன.

அதன் பின் மணிரத்னம், சிரஞ்சீவியின் மகனான ராம் சரண் தேஜாவுக்கு ஒரு கதை தயார் செய்து அதை சொல்லியிருக்கிறார். ஆனால், அந்த கதையும் பிடிக்கவில்லை என ராம் சரண் பதிலளித்தாராம்.

அதற்குப் பதிலாக தெலுங்குத் திரையுலகின் கமர்ஷியல் இயக்குனர்களான கிருஷ்ண வம்சி, 'பொம்மரிலு' பாஸ்கர் படங்களில் நடிக்க சம்மதித்திருக்கிறார். மணிரத்னம் படத்தில் நடித்தால் நீண்ட நாட்களுக்குப் படப்பிடிப்பு நடக்கும், அது மட்டுமல்ல அவருடைய திரைக்கதை மிகவும் மெதுவாக இருக்கும் என ராம் சரண் கருதியதாலேயே அந்த வாய்ப்பை வேண்டாமென்று சொன்னதாகத் தெரிகிறது.

அதுவும் சமீப காலமாக மணிரத்னம் இயக்கிய படங்கள் வெற்றி பெறாததையும் அவர் கணக்கில் எடுத்துக் கொண்டிருக்கிறார். மணிரத்னம் படத்தை இவர் வேண்டாமென்று சொன்னதுதான் தெலுங்குத் திரையுலகில் பரபரப்பான செய்தியாக வலம் வந்து கொண்டிருக்கிறது. ராம் சரண் வெறும் கமர்ஷியல் படங்களில் மட்டுமே நடித்தால் போதுமா என அங்குள்ளவர்கள் கேட்கிறார்களாம்.

காசு பார்க்க வேண்டிய இடத்தில், கலைச் சேவையாவது...ஒன்றாவது...

Chiranjeevi

ramcharan teja

manirathnam

commercial

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய