ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ஒரு காலத்தில் தமிழ் சினிமா ஹீரோக்களுக்கு இணையாக வலம் வந்தவர்கள் ஹாலிவுட் ஜேம்ஸ் பாண்ட்டுகள். டப்பிங் காலம் தொடங்கும் முன் ஜேம்ஸ் பாண்டுகள் ஆங்கிலம் பேசிய காலத்திலும் ஜேம்ஸ் பாண்டின் சூப்பர் ஆக்ஷன் காட்சிகளையும், லிப் லாக் கிஸ்சுகளையும், ஹீரோயினின் பிகினி டிரஸ்சையும் பார்த்து விசிலடித்து ரசித்தான் தமிழ் ரசிகன்.
இன்றைக்கும் ஜேம்ஸ்பாண்ட் படங்களின் மதிப்பு குறையவில்லை. அதற்கென்று தனி ரசிகர்கள் வட்டமும் உண்டு. தற்போது வெளிவரும் புதிய ஜேம்ஸ்பாண்ட் படங்கள் தமிழில் டப் செய்யப்பட்டே வெளிவருகிறது. ஆனால் பழைய ஜேம்ஸ் பாண்ட் படங்கள் டப் செய்யப்படவில்லை. அப்படிப்பட்ட பழைய படங்களை தமிழில் பார்க்கும் வாய்ப்பை வழங்குகிறது ஜீ தமிழ் தொலைக்காட்சி.
1962ம் ஆண்டு முதல் ஜேம்ஸ்பாண்ட் படங்கள் வெளிவரத் துவங்கியது. முதலில் வெளிவந்தது டாக்டர் நோ என்ற படம். துப்பறிவாளன் ஜேம்ஸ்பாண்ட் கதாபாத்திரத்தை உருவாக்கியது பிளெமிங் என்ற எழுத்தாளர். அவரது துப்பறியும் நாவலில் வலம் வந்த ஜேம்ஸ்பாண்ட் 007 கேரக்டர்தான் பின்னாளில் புகழ்பெற்ற சினிமா கேரக்டர் ஆனது.
ஜீ தமிழ் டாக்டர் நோ படம் முதல் சமீபத்தில் வெளிவந்த ஸ்கைபால் வரை ஜேம்ஸ்பாண்டின் 24 படங்களையும் தமிழில் டப் செய்து ஒளிபரப்ப இருக்கிறது. ஒவ்வொரு சனிக்கிழமையும் இரவு 9 மணிக்கு ஒளிபரப்பாகிறது. முதல் படமாக இன்று- இரவு (ஆகஸ்ட் 2) ஸ்கைபால் படம் ஒளிபரப்பாகிறது.