ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! | இளையராஜா பயோபிக் படத்தை குறித்து புதிய தகவல் இதோ! | நடிகை பூஜாவின் லேட்டஸ்ட் புகைப்படம் வைரல் | அடையாளம் தெரியாத அளவிற்கு மாறிப்போன கமலினி முகர்ஜி | 'பிரேமலு' பிரபலம் மமிதா பைஜு தமிழிலும் பிரபலம் ஆவாரா? | சூர்யாவின் 'கங்குவா' டீசர் இன்று மாலை வெளியீடு; பரபரப்பை ஏற்படுத்துமா? | நாங்கள் தாசிகள் தான்! சின்னத்திரை நடிகை தீபாவின் உருக்கமான பேச்சு |
அஞ்சான் படத்தின் தெலுங்கு டப்பிங்கா சிக்கந்தர் படத்தின் ஆடியோ வெளியீட்டு விழாவை நேற்று ஐதராபாத்தில் பிரமாண்டமாக நடத்தி முடித்துள்ளனர். அந்த சந்தோஷத்தில் திளைத்துக்கொண்டிருக்கும் 'அஞ்சான்' படக்குழுவினரை, அஞ்சான் படத்தின் ஃபர்ஸ்ட் லுக் டீஸர் படைத்து வரும் சாதனை மேலும் மகிழ்ச்சியில் ஆழ்த்தியுள்ளது.
கடந்த மாதம் 5 ஆம் தேதி வெளியிடப்பட்ட 'அஞ்சான்' டீஸரை இதுவரை 30 லட்சத்திற்கும் மேற்பட்டோர் கண்டு ரசித்துள்ளனர். இந்த வகையிலும் அஞ்சான் படைத்திருப்பது சாதனைதான்.
எப்படி?
இந்த வருடத்தில் வெளியான தமிழ்ப்படங்களின் டீஸர் மற்றும் டிரைலர்களில் 'கோச்சடையான்' படத்திற்கு அடுத்தபடியாக 'அஞ்சான்' டீஸரையே அதிக எண்ணிக்கையில் ரசிகர்கள் பார்த்துள்ளனர். இந்த வருட ஆரம்பத்தில் வெளியான 'ஜில்லா' படத்தின் ஃபர்ஸ்ட் லுக் டீஸரை இதுவரை 28 லட்சத்திற்கும் மேற்பட்டோர் பார்த்துள்ளனர்.
அதேபோல் ரஜினியின் 'கோச்சடையான்' படத்தின் டிரைலரை இதுவரை 45 லட்சத்திற்கும் மேற்பட்டோர் பார்த்துள்ளனர்.
தனுஷின் 'வேலையில்லா பட்டதாரி' படத்தை 24 லட்சத்திற்கு மேற்பட்டோரும், இரண்டு மாதங்களுக்கு முன்பு வெளியான விஜய்யின் 'கத்தி' படத்தின் மோஷன் போஸ்டரை 18 லட்சத்திற்கு மேற்பட்டோரும் பார்த்துள்ளனர். இந்த எண்ணிக்கையை எல்லாம் வைத்துப் பார்க்கும்போது 'கோச்சடையான்' படம் முதல் இடத்தையும், 'அஞ்சான்' படம் இரண்டாம் இடத்தையும் பிடித்துள்ளது.
இந்த புள்ளிவிவரம் சூர்யா ரசிகர்களை மிகுந்த உற்சாகத்தில் ஆழ்த்தி உள்ளது.