பழம்பெரும் இயக்குனர் கோவை கதிரொளி காலமானார் -

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பழம்பெரும் இயக்குனர் கோவை கதிரொளி காலமானார்

05 மார், 2009 - 00:00 IST

எழுத்தின் அளவு:

பழம்பெரும் நாடக, திரைப்பட நடிகரும், திரைப்பட இயக்குனருமான கோவை கதிரொலி காலமானார். அவருக்கு வயது 83. இயக்குனர் கோவை கதிரொளி தெய்வம் பேசுமா?, அன்னையின் ஆணை, முக்கனிகள், கங்கை அவள் கண்ணுக்குள், வெளிச்சத்துக்கு வாங்க உள்ளிட்ட 30க்கும் மேற்பட்ட படங்களுக்கு கதை, வசனம் எழுதியுள்ளார். எம்.ஆர்.ராதா நடித்த நாகமலை அழகி படத்தினை இயக்கியிருக்கிறார்.

எம்.ஜி.ஆர்., தந்தை பெரியார், லெனின் போன்றவர்களின் வேடங்களில் நாடகத்தில் நடித்து புகழ்பெற்ற இவருக்கு நடிகர் சங்கம் கலைச்செல்வம் விருது வழங்கி கவுரவித்துள்ளது. கடந்த ஒரு மாதகாலமாக உடல்நிலை பாதிக்கப்பட்டு மருத்துவமனையில் சிகிச்சை பெற்று வந்த கோவை கதிரொளி நேற்று (4ம் தேதி) காலமானார். இவருக்கு ரோஸி என்ற மனைவியும், கே.ஆர்.செல்வராஜ் என்ற மகனும் உள்ளனர். கே.ஆர்.செல்வராஜ் தென்னிந்தி நடிகர் சங்க துணைச் செயலாளராக இருக்கிறார். இவர் இளைஞரணி உள்பட பல படங்களை இயக்கியுள்ளார். திரைப்படங்களிலும் நடித்து வருகிறார்.

மறைந்த கோவை கதிரொளியின் உடலுக்கு ஏராளமான திரையுலக பிரமுகர்கள், நடிகர் - நடிகைகள் அஞ்சலி செலுத்தினார்கள்.

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய