மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
கெளதம் மேனன், அஜீத்துடன் இணையும் புதிய படத்தின் பூஜை இன்று(ஏப்ரல் 9ம் தேதி) துவங்கியது. ஆரம்பம், வீரம் படங்களின் வெற்றிக்கு பிறகு அஜீத், கெளதம் மேனன் இயக்கும் படத்தில் நடிக்கிறார். இப்படத்தில் அஜீத் இரட்டை வேடத்தில் நடிக்க இருப்பதாக கூறப்படுகிறது. படத்தின் ஹீரோயினாக அனுஷ்கா ஒப்பந்தமாகியுள்ளார். இதுதவிர இன்னொரு நாயகியும் நடிக்க இருக்கிறார்.
இப்படத்திற்காக அஜீத், தனது உடல் எடையை கணிசமாக குறைத்துள்ளார். ஏற்கனவே ஆரம்பம் படத்தை தயாரித்த ஏ.எம்.ரத்னமே இப்படத்தையும் தயாரிக்கிறார். கெளதம் மேனனின் சமீபத்திய சில படங்கள் தோல்வியை சந்தித்ததால், இந்தப்படத்தை எப்படியேனும் ஹிட் படமாக கொடுக்க கடுமையாக உழைத்து வருகிறார் கெளதம் மேனன்.
இந்நிலையில், இப்படத்தின் பூஜை, சென்னை வளரசவாக்கத்தில் உள்ள ஏ.எம்.ரத்னத்தின், பாபா கோயிலில் இன்று சிறப்பாக நடந்தது. இயக்குநர் கெளதம் மேனன், தயாரிப்பாளர் ஏ.எம்.ரத்னம் உள்ளிட்டோர் படத்தின் பூஜையில் பங்கேற்றனர். படத்தின் முதல்காட்சியாக பாபாவை படமாக்கினர். வருகிற 11ம் தேதி முதல் படத்தின் ஷூட்டிங் நடைபெறுகிறது. இதில் படத்தின் ஹீரோ அஜீத் பங்கேற்க உள்ளார்.