Subscription 
சிறப்புச்செய்திகள்
ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
மண்டேலா - லாங் வாக் டூ பிரீடம் - கோவா பட ஸ்பெஷல்!
2013 கோவா சர்வதேச திரைப்பட விழாவின் நிறைவு விழாவை அடுத்து திரையிடப்பட்ட படம் இது. நிற வேற்றுமையை எதிர்த்து புரட்சி செய்தவரும், தென் ஆப்ரிக்காவின் முன்னாள் அதிபருமான நெல்சன் மண்டேலா எழுதிய லாங் வாக் டூ பிரீடம் (சுதந்திரத்திற்காக நீண்ட பயணம்) புத்தகத்தை அடிப்படையாக கொண்டு உருவாக்கப்பட்ட படம்.
ஜஸ்டின் சாட்விக் என்ற ஆங்கில நடிநகர், இயக்குநர் இந்த சரித்திர புகழ்பெற்ற படத்தை இயக்கியுள்ளார். 20-21-ம் நூற்றாண்டுகளில் வாழ்ந்த மாபெரும் தலைவரின் வாழ்க்கையை படமாக்குவது மிகப்பெரிய சவாலாக இருந்திருக்கும். படத்தை தயாரித்திருப்பவர் அனந்த் சிங் என்ற இந்தியர் என்பது பெருமைக்குரிய விஷயம்.
வெள்ளையர்களின் அடக்குமுறையை நிற வெறி ஆதிக்கத்தை இளம் வயதிலேயே நெல்சன் மண்டேலா எதிர்த்து போராடியது, வின்னியை காதலித்து திருமணம் செய்து கொண்டது, உலகத்தலைவர்களிலேயே அதிக ஆண்டுகள் சிறைவாசத்தையும், அதிலும் நீண்டகாலம் தனிமைச் சிறையில் அடைக்கப்பட்டதும், ஆப்ரிக்கன் நேஷனல் காங்கிரஸ் கட்சி தேர்தலில் நின்று மிகப்பெரிய அளவில் வெற்றி பெற்றது, தென் ஆப்ரிக்காவின் முதல் கறுப்பின அதிபராக தேர்ந்தெடுக்கப்பட்டு சாதனை புரிந்தது, சமாதானத்திற்காக நோபல் பரிசு பெற்றது, தென் ஆப்ரிக்கா மக்கள் மண்டேலா மீது அளவு கடந்த பாசம், மரியாதை கொண்டு தெய்வத்தின் அளவிற்கு மடிபாவை (மண்டேலா) உயர்த்தியது போன்றவை எல்லோருக்கும் தெரிந்த நிகழ்ச்சிகள். இவை எல்லாவற்றையும் நம் மனதை தொடும் வகையில் படமாக்கியிருக்கிறார்கள்.
பல படங்களில் கருத்து செறிவு உள்ள வசனங்கள் நம்மை உலுக்குகின்றன, நெகிழ வைக்கின்றன. இதுவரை நான் பார்த்த பெண்களிலேயே நீ தான்(வின்னி) மிகவும் அழகானவள், என்னை திருமணம் செய்து கொள்ளுவாயா? என்று வின்னியிடம் சொல்லுவது, 1964-ல் ஜூன் மாதம் ராபின் ஐலண்டு சிறைச்சாலைக்கு மண்டேலா அழைத்து செல்லப்பட்டபோது அந்த ஜெயில் வார்டன் கொஞ்சமும் இரக்கமின்றி வெல்கம் உன் வாழ்நாள் இறுதி வரை நீ இங்கே தான் இருக்கப் போகிறாய் என்று சொல்லுவது, சிறையில் மண்டேலா தலைமையில் கைதிகள் போராடி, அதுவரை கட்டாயமாக அணிய வேண்டிய அரை நிஜாருக்கு பதிலாக முழுநிஜாரை பெற்றதில் மகிழ்ச்சி அடைவது, 1982-ல் கேப்டவுன் சிறைச்சாலையில் 21 ஆண்டுகளாக என் மனைவியை நான் தொட்டதில்லை என்று சொல்லுவது, உலகில் யாருமே பிறரை வெறுக்கத் தெரிந்து பிறப்பதில்லை, பிறரிடம் அன்பு செலுத்துவது தான் இயற்கை என்று சொல்லுவது, ஆப்ரிக்கன் நேஷனல் காங்கிரஸ் கட்சி தேர்தலில் அமோகமாக வெற்றி பெற்றதும், ஆட்சியாளர்களிடம் நாங்கள் ஆட்சிக்கு வரும்போது, யாரையும் பழி வாங்கமாட்டோம் என்று உத்திரவாதம் கொடுத்து, அவரையும் மற்றவர்களையும் கொடுமைப்படுத்திய வெள்ளைக்காரர்களை குற்ற உணர்வை உணர வைப்பது, மண்டேலா பதவியேற்றதும் தென் ஆப்ரிக்காவே மகிழ்ச்சியின் உச்சக்கட்டத்திற்கு செல்லுவது என்று படத்தின் பல இடங்கள் நம்மை நெகிழ வைக்கின்றன.
இட்ரிஸ் எல்பா, மண்டேலாவாக பல காலக்கட்டங்களில் வயதுக்கேற்ற மாறுதல்களோடு சிறப்பாக நடித்து படம் முழுவதையும் தன் தோள்களில் தாங்குகிறார். நியோமி ஹாரிஸ் வின்னியாக வந்து தன் பாத்திரத்தையும் சிறப்பாக செய்து இருக்கிறார்.
உலகம் முழுவதிலும் பல சர்வதேச திரைப்பட விழாக்களில் திரையிடப்பட்டு பாராட்டுதல்கள், விருதுகள் பெற்றிருக்கும் படம். இந்தப்படம் கோவாவில் திரையிடப்பட்டபோது, மண்டேலா உடல்நிலை சரியில்லாமல் மிக மோசமாக உயிருக்கு போராடிக் கொண்டிருந்தார். பிரிட்டிஷ் அரச குடும்பத்தினர் இந்தப்படத்தை லண்டனில் பிரத்யேமாக பார்த்துள்ளார்கள். நெல்சன் மண்டேலா இந்தப்படத்தை பார்த்தாரா என்று தெரியவில்லை.
- கோவாவிலிருந்து எஸ்.ரஜத் -
மறக்க முடியுமா? - வெயில்
- நா நா
- நடிகர் : சசிகுமார் ,
- இயக்குனர் :NV நிர்மல்குமார்
- மாயன்
- நடிகர் : வினோத் மோகன்
- நடிகை : பிந்து மாதவி
- இயக்குனர் :ராஜேஷ் கண்ணா
- தேவதாஸ்
- நடிகர் : உமாபதி
- நடிகை : ஐரா ,மனிஷா யாதவ்
- இயக்குனர் :மகேஷ்.ரா
- எங் மங் சங்
- நடிகர் : பிரபுதேவா
- நடிகை : லட்சுமி மேனன்
- இயக்குனர் :எம்எஸ் அர்ஜூன்
