Dinamalar

பாலிவுட்டை கலக்கும் கடத்தல் காதல்!

இன்றைய தேதிக்கு பாலிவுட்டையே கலக்கிக் கொண்டிருக்கும் படம் ஹைவே. ஜப் வி மெட், ராக் ஸ்டார் படங்களின் மூலம் இந்தி சினிமாவில் டாப்புக்கு வந்த இம்தியாஸ் அலி இயக்கி இருக்கிற படம். ரிலீசான தியேட்டர்களில் அதிரிபுதிரியாக வசூலை குவித்துக் கொண்டிருக்கிறது. காரணம் காதல், அதுவும் கடத்தல் காதல் கதை. கடத்தியவன் மீது காதல் வரும் சிண்ட்ரோம் டைப் கதை. அதோடு அலியா பட்டின் அழகு.

டில்லியை சேர்ந்த கோடீஸ்வர குடும்பத்து பெண் அலியா பட். அவளுக்கு திருமண ஏற்பாடுகள் நடக்கிறது. சின்ன சின்ன விஷயங்களை செய்து பார்த்து சந்தோஷம் அடையும் கேரக்டர் அலியா பட். தான் மணந்து கொள்ள இருப்பவனோடு. காரில் நெடுஞ்சாலையில் நீண்ட தூரம் பயணிக்க வேண்டும் என்று விரும்புகிறாள். அவளது வருங்கால கணவனும் அவளை காரில் அழைத்துக் கொண்டு கிளம்புகிறார். அலியா பட்டின் தந்தையின் தொழில் எதிரிகள் அலியாவை கடத்த சந்தர்ப்பம் பார்த்திருக்கிறார்கள். இந்த சந்தர்ப்பத்தை பயன்படுத்தி ஒரு பெட்ரோல் பங்கிலிலிருந்து அவரை கடத்துகிறார்கள்.

கடத்தல் கும்பலில் இருக்கும் ரன்தீப்ஹூடோ (ஹீரோ) போலீசிடம் மாட்டிக் கொள்ளாமல் இருக்க அலியாவை ஒரு டிரக்கரில் வைத்து ஊர் ஊராக சுற்றுகிறான். பயணங்களில் விருப்பம் உள்ள அலியாவுக்கு தான் கடத்தப்பட்டதையே மறந்து அந்த பயண அனுபவத்தை ரசிக்க ஆரம்பிக்கிறாள். தன்னை எந்த விதத்திலும் துன்புறுத்தாத ரன்தீப் மீது அவளுக்கு அன்பு பிறக்கிறது. சில இடங்களில் போலீஸ் கண்ணில் படாமல் மறைந்து ரன்தீப்பை காப்பாற்றுகிறார். ரன்தீப் கடத்தல்காரனாக மாறியதற்கு அவனது பால்ய பருவத்தில் நடந்த ஒரு கொடூர சம்பவம்தான் என்பதை அறிந்து அவரை காதலிக்கவே ஆரம்பித்து விடுகிறார்.

6 மாநிலங்களை கடந்து செல்லும் இந்த காதல் கதை, இமய மலையின் உச்சியில் முடிகிறது. அங்குள்ள அழகான குடிசை ஒன்றில் தங்கள் காதல் வாழ்க்கையை துவங்கும் நேரத்தில் யாரும் எதிர்பாராத ஒரு சம்பவம் நடக்கிறது. அது படத்தோட சஸ்பென்ஸ்.

அனில் மேத்தாவின் ஒளிப்பதிவில் நாமே டிரக்கரில் பயணிப்பது போன்ற உணர்வை பெற முடிகிறது. ஒரே உடையில் அதுவும் அழுக்கு உடையில் அலியாவின் அழகு மனதிற்குள் நுழைந்துவிடுகிறது. ஏ.ஆர்.ரஹ்மானின் பாடல்கள் அனைத்தும் சூப்பர் ஹிட் அடித்திருப்பதால் கலெக்ஷனும் அள்ளுகிறது. விரைவிலேயே தமிழில் யாராவது ரீமேக் செய்வார்கள்.

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?