Dinamalar

2014 தமிழ் சினிமா - ஸ்பெஷல் ஸ்டோரி!!

பிளஸ்சும், மைனசுமாக கடந்தது 2013ம் ஆண்டு. இப்போது பிறந்துள்ள 2014ம் ஆண்டு தமிழ் சினிமாவுக்கு நம்பிக்கை ஆண்டாக தெரிகிறது. அனைத்து டாப் ஹீரோக்களின் படங்களும் இந்த ஆண்டு ரிலீசாகிறது. ரசிகர்கள் ஆவலாக எதிர்பார்ககும் படங்கள், நீண்ட நாள் தயாரிப்பில் இருக்கும் படங்களும் ரிலீசாகிறது. அதுபற்றி கொஞ்சம் பார்வேர்ட் பண்ணி பார்க்கலாம்.

கோச்சடையான்

2014ம் ஆண்டின் மோஸ்ட்வாண்டட் மூவி. கடந்த ஆண்டே ரிலீசாக வேண்டிய படம். இந்த ஆண்டில் ரிலீசாகிறது. சூப்பர் ஸ்டார் ரஜினி காந்த், தீபிகா படுகோனே, சரத்குமார், ஆதி என நட்சத்திர பட்டாளம், மோசன் கேப்சர் டெக்னாலஜியில் ரிலீசாகும் முதல் இந்தியப் படம். 150 கோடி பட்ஜெட். எதிர்பார்ப்பை எகிற வைத்திருக்கும் படம்.

விஸ்வரூபம்-2

பரபரப்பில் பட்டைய கிளப்பிய விஸ்வரூபத்தின் இரண்டாம் பாகம் இந்தப்படம், முதல் பாகத்தில் அமெரிக்காவில் அதிரடி ஆட்டம்போட்ட இந்திய ரா அதிகாரி கமல், இரண்டாம் பாகத்தில், இந்தியாவில் குறிப்பாக சென்னையில் ஆட்டம்போட இருக்கும் படம். 2014ம் ஆண்டின் பாய்ச்சலுக்கு தயாராகிறார் கமல்.

ஜில்லா

இன்னும் சில நாட்களில் பட்டைய கிளப்ப போகிற படம். விஜய் மோகன்லால் என்ற இரு பெரும் ஸ்டார்கள். காஜல் என்னும் ரசகுல்லா. தமிழ்நாட்டிலும், கேரளாவிலும் எதிர்பார்ப்பை உண்டாக்கி இருக்கும் படம்.

வீரம்

ஆரம்பத்தில் ஆரம்பித்த ஆட்டத்தை இதிலும் தொடர்கிறார் அஜீத். அதே சால்ட் பெப்பர் லுக். வெள்ளை வேட்டி சட்டை, நான்கு தம்பிகள், தகதக தமன்னாவுடன் ரொமான்ஸ் என அதிர வைக்கப்போகிறார். என்ன நான் சொல்றது.

ஐ

ஒரு வருடத்திற்கும் மேலாக ஷங்கர் பார்த்து பார்த்து செதுக்கி வரும் படம். விக்ரம் எடைகுறைத்து ஆளே அடையாளம் தெரியாத அளவுக்கு மெலிந்து கடினமாக உழைத்து நடித்திருக்கும் படம். லண்டன் பொண்ணு எமி ஜாக்சன் சென்னை தமிழ் பேசி நடித்திருக்கிறார். ஏப்ரலில் கலக்க போகிறது ஐ.

அனேகன்

மாற்றானில் தோற்ற கே.வி.ஆனந்தும், மரியான், நய்யாண்டியில் கவிழ்ந்த தனுசும் இணைந்திருக்கும் படம். இருவருக்குமே ஒரு வெற்றி அவசியம் என்தால் கடுமையாக உழைத்து அனேகனை உருவாக்கி வருகிறார்கள்.

கயல்

மைனா, கும்கி வெற்றிக்குப் பிறகு பிரபுசாலமன் இயக்கி வரும் படம். அர்ஜுனன், ஆனந்தி என்ற நியூபேஸ்கள் நடிக்கிறார்கள். இந்தியா முழுவதும சுற்றும் காதல் கதை.

நிமிர்ந்து நில்

ஜெயம்ரவி நம்பிக்கையுடன் எதிர்பார்க்கும் படம். ஆதிபகவன் கொடுத்த அடிக்கு மருந்தாக இந்தப் படம் அமையும் என்று எதிர்பார்க்கிறார். அமலாபால் ஹீரோயின். சமுத்திரகனி இயக்கம்.

பூலோகம்

நீண்ட நாள் தயாரிப்பில் இருக்கும் படம். ஜெயம்ரவி-த்ரிஷா ஜோடி. ஜனநாதனின் சீடர் கல்யாண கிருஷ்ணன் இயக்குகிறார். வட சென்னை பகுதியில் ஒரு காலத்தில் இருந்த குத்துச்சண்டை மோதல் கதை.

ஜகஜ்ஜால புஜபல தெனாலிராமன்

பெரிய இடைவெளிக்கு பிறகு வடிவேலு நடிக்கும் படம். இம்சை அரசன் 23ம் புலிகேசி வெற்றியின் பாதிப்பில் உருவாகும் காமெடி படம். யுவராஜ் இயக்குகிறார்.

இவைகள் தவிர இந்த ஆண்டு ரிலீசாக இருக்கும முக்கிய படங்களின் பட்டியல் இது...

1.லிங்குசாமி இயக்கத்தில், சூர்யா நடிக்கும் படம்.

2.ரமேஷ் அரவிந்த் இயக்கத்தில், கமல் நடிக்கும் படம்.

3.கவுதம் மேனன் இயக்கத்தில், அஜீத் நடிக்கும் படம்.

4.வசந்த பாலனின் காவியத்தலைவன்

5.தனுஷின், 'வேலையில்லா பட்டதாரி'

6.எஸ்.பி.ஜனநாதனின், 'புறம்போக்கு'

7.மகிழ் திருமேனியின், 'மீகாமன்'

8.கார்த்தியின், 'காளி'

9.விஷாலின், 'நான் சிவப்பு மனிதன்'.

10.உதயநிதி ஸ்டாலினின், 'இது கதிர்வேலன் காதல்'

11.சிவகார்த்திகேயனின், 'மான்கராத்தே'

12.ஈரம் அறிவழகனின், 'வல்லினம்'

13.ஜெய்யின், 'திருமணம் என்றும் நிக்காஹ்'

14.விமலின், 'மஞ்சப்பை'

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஓடிடி - வாழ வைக்கிறதா, நசுக்குகிறதா? : கலங்கும் கலையுலகம்
• 
  மாற்றத்தை ஏற்படுத்தாத மார்ச் மாதத் திரைப்படங்கள்
• 
  தமிழ் சினிமா 2024 - பிசுபிசுத்த பிப்ரவரி
• 
  காலத்திற்கேற்ப மாற்றத்தைக் கொண்டு வருமா தமிழ் சினிமா?
• 
  ஆரம்பமே இப்படியா...? - 2024ன் முதல் மாதம் ஓர் அலசல்