ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
வீரம் படத்தில் அஜீத்தின் தம்பியாக நடித்திருக்கிறார் மைனா விதார்த். படம் முடிவடைந்துள்ள நிலையில் விதார்த்திற்கு உடன் பிறவா நிஜ அண்ணனாக மாறிவிட்டார் அஜீத். இதுபற்றி விதார்த் நெகிழ்ச்சியுடன் கூறியிருப்பதாவது: அஜீத் சார் படத்துல நடிக்கிறீங்களான்னு டைரக்டர் சிவா சார் கூப்பிட்டார். கரும்பு தின்ன கூலியான்னு மறுநாளே போயி நின்னேன். ஆனா அவுங்க கேட்ட தேதி என்கிட்ட இல்லை. அய்யோ... தல படத்துல நடிக்க முடியாம போயிடுமேன்னு கலங்கி நின்னப்போ அஜீத்சாரே என்னோட டைரக்டர் மீரா கதிரவன்கிட்ட பேசி தேதி ஒதுக்கி கொடுக்கச் சொன்னார்.
பொதுவா அஜீத் சார் நடிக்கிற படங்கள்ல அவரோட ஓப்பனிங் சீன் மாஸா இருக்கும். ஆனா "என்னோட ஓப்பனிங் சீன் முன்னாடி வளர்ற ஹீரோ விதார்த்துக்கு பக்காவான ஓப்பனிங் சீன் வையுங்க"ன்னு அஜீத் சார் சொன்னார். அப்படியேதான் நடந்தது.
ஒரு நாள் போன்ல கூப்பிட்டார் "சுவிட்சர்லாந்து போயிருக்கீங்களா?"ன்னு கேட்டாரு, இல்லேன்னு சொன்னேன். "அப்ப கிளம்புங்க போகலாம்" என்றார் ஒரே நாள்ல விசா ரெடி பண்ணி அழைச்சிட்டு போனார். எனக்கு அங்க ஷூட்டிங் கிடையாது. அவருக்குதான் ஷூட்டிங். ஆனாலும் என்னை அழைச்சிட்டு போய் ஊர் சுற்றி காட்டி, வேண்டியதை வாங்கித் தந்தார். அந்த நாட்களை இப்போ நினைச்சாலும் புல்லரிக்குது.
ஒரு நாள் "பைக்லேயே டூர் போலாமா?"ன்னு கேட்டார் நீங்க எங்க கூப்பிட்டாலும் வருவேன் சார்னு போயி நின்னேன். வைசாக்குலேருந்து ஒடிஸா வரைக்கும் அவரோட பைக் டூர். அவர் ஓட்டிக்கொண்டே செல்ல நான் பின்னாடி உட்கார்ந்து போனேன். அந்த பாக்கியம் யாருக்கும் கிடைச்சிருக்காது. ரோட்டு கடையில உட்கார்ந்து சாப்பிட்டு, பிளாட்பாரத்துல ரெஸ்ட் எடுத்து... என்ன ஒரு அனுபவம் அது.
சரியா 108 நாள் அவரோட இருந்திருக்கேன். அந்த ஒவ்வொரு நாளும், ஒவ்வொரு நிமிடமும், ஒவ்வொரு நொடியும் என்னால மறக்கவே முடியாது. இப்போது மட்டுமல்ல எப்போதும் அவர் எனக்கு உடன் பிறவா அண்ணன்.