Dinamalar

சிவகார்த்திகேயன் போன்று முன்னணி ஹீரோயினி கேட்கும் விமல்!

பசங்க, களவாணி, வாகை சூடவா தொடங்கி தேசிங்கு ராஜா வரை பல படங்களில் நடித்திருப்பவர் விமல். மினிமம் கியாரண்டி ஹீரோவாகியிருக்கும் அவர் தற்போது அரை டஜன் படங்களுக்கு மேல் கைவசம் வைத்திருக்கிறார். மேலும், வளர்ந்து வரும் முக்கிய ஹீரோக்களான சிவகார்த்திகேயன், விஜயசேதுபதி வரிசையில் விமலும் படாதிபதிகளின் பாக்கெட்டுக்கு பங்கம் விளைவிக்காத ஹீரோ என்ற பெயரையும் மார்க்கெட்டில் பெற்றிருக்கிறார்.

இந்த நிலையில், இதுவரை மினிமம் பட்ஜெட் படங்களாக நடித்திருக்கும் விமலுக்கும அடுத்தபடியாக தனது லெவலை உயர்த்த வேண்டும் என்ற ஆர்வம் ஏற்பட்டுள்ளது. அதனால், இதுவரை வெறும் காமெடி கலாட்டா கதைகளாக தேர்வு செய்து வந்தவர், இப்போது அதே காதல் காமெடி என்றாலும் பாடல் காட்சிகளுக்காக வெளிநாடுகளுக்கு செல்லும்படியான ஓரளவு பெரிய பட்ஜெட் படங்களாக தேடுகிறாராம்.

மேலும், ஓவியா, அஞ்சலி, பிந்துமாதவி போன்ற ஹீரோயினிகளுடன் மட்டுமே டூயட் பாடி வரும் விமலுக்கு மேல்தட்டு முன்னணி ஹீரோயினிகளுடன் டூயட் பாட வேண்டும் என்ற ஆசையும் துளர் விட்டிருக்கிறது. இதற்கு முக்கிய காரணம் சிவகார்த்திகேயன்தானாம். மெரினா படத்தில் ஓவியாவுடன் நடித்த அவர், தற்போது மான்கராத்தேயில் ஹன்சிகாவுடன் டூயட் பாடிக்கொண்டிருக்கிறார்.

இதனால் மூன்றாம் தட்டு ஹீரோவாக இருந்த அவர் தற்போது இரண்டாம் தட்டு ஹீரோவாகி பாஸ் பண்ணி விட்டார். இதனால் தானும் மேல்தட்டு கதாநாயகிகளுடன் ஜோடி சேர்ந்தாவது தனது ஹீரோ இமேஜை உயர்த்திக்கொள்ள வேண்டும் என்று நினைக்கும் விமல், அடுத்து சேட்டை பட டைரக்டர் கண்ணன் இயக்கும் படத்தில் நடிப்பவர், முன்னணி ஹீரோயினி யாரிடமாவது கால்சீட் வாங்குங்கள் என்று கூறியிருக்கிறாராம். இதனால், விமலின் ஆசையை நிறைவேற்ற மேல்தட்டு ஹீரோயினிகளிடம் கால்சீட்டு கேட்டு துரத்தி வருகிறார் கண்ணன.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...
• 
  மீண்டும் இரண்டு வேடத்தில் நடிக்கும் அருண் விஜய்
• 
  பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர்
• 
  வாக்காளர் பட்டியலில் மமிதா பைஜூ பெயர் நீக்கம்
• 
  காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்?