Dinamalar

அஜீத்தின் ஆரம்பம்...! தினமலரில் இனி தினம் ஒரு அதிரடி சுவாரஸ்ய தகவல்...!!

இந்தாண்டு ‘தல’ ரசிகர்களுக்கு ‘தல’ தீபாவளி என்று தான் சொல்ல வேண்டும். ‘பில்லா’ படத்தின் மாபெரும் வெற்றிக்கு பிறகு மீண்டும் விஷ்ணுவர்தன், அஜீத் கூட்டணியில் உருவாகியிருக்கும் மற்றுமொரு பிரமாண்ட படம் தான் ‘‘ஆரம்பம்’’. முற்றிலும் வித்தியாசமான கதைய‌ம்சத்துடன் ‘‘ஆரம்பம்’’ படம் உருவாகி இருக்கிறது. மங்காத்தா படத்‌‌தை போல ஆரம்பம் படத்திலும் ‘சால்ட் அண்ட் பெப்பர்’ ஸ்‌டைலில் நடித்திருக்கிறார் அஜீத். கூடவே அஜீத்துடன் ஆர்யா, நயன்தாரா, டாப்சி, தெலுங்கு நடிகர் ராணா, அதுல் குல்கர்னி என்று ‌ஒரு பெரிய நட்சத்திர பட்டாளமே நடித்திருக்கிறது.

டுகாட்டி பைக்கில் அதிவேகமாக செல்லும் அஜீத்தின் பைக் ரைடிங், டூப் இல்லாமல் கார் சண்டைக்காட்சி என்று ‘‘ஆரம்பம்’’ படத்தில் அஜீத், கலக்கு கலக்கு என்று கலக்கியிருக்கிறார். யுவனின் மிரட்டல் இசை, ஓம் பிரகாஷின் மிளிரும் ஒளிப்பதிவு என்று படத்தின் டிரைலரை பார்க்கும்போதே தெரிகிறது. மேலும் படத்தில் இடம்பெற்று இருக்கும் ‘‘ஸ்டைலிஷ் தமிழச்சி...’’ உள்ளிட்ட அனைத்து பாடல்களும் ரசிகர்கள் இடை‌யே நல்ல வரவேற்பை பெற்றுள்ளது.

தற்போது படத்தின் அனைத்து வேலைகளும் முடிந்து ரிலீஸ்க்கான வேலைகள் நடந்து வருகிறது. படம் தீபாவளிக்கு வருவது உறுதியாகிவிட்டது. தீபாவளிக்கு இரு தினங்களுக்கு முன்னர் அக்., 31ம் தேதி வியாழக்கிழமை, ‘‘ஆரம்பம்’’ படம் உலகம் முழுவதும் ரிலீஸாகிறது. தமிழகத்தில் மட்டும் சுமார் 500 தியேட்டர்களில் ஆரம்பம் படம் வெளியாகும் என தெரிகிறது. ரசிகர்கள் தங்களது ‘தல’யின் படத்தை வரவேற்க இப்போதே தலை தூக்கிவிட்டார்கள்.

இதற்கிடையே ஆரம்பம் படம் தொடர்பான பல்வேறு தகவல்களை இனி தினமலர் இணையதளத்தின் மூலமாகவும் தெரிந்து கொள்ளலாம். ஆரம்பம் படத்தின் ஸ்டில்கள், டிரைலர்கள், வால்பேப்பர்கள், ஷூட்டிங் ஸ்பாட் உள்ளிட்ட பலவும் தினமலர் இணையதளம், சினிமா பகுதியில் வெளியாகி உள்ளது. இதுதவிர ஆரம்பம் படம் பற்றிய பல சுவாரஸ்ய தகவல்களும் இனி தினமலர், சினிமா பகுதியில் தினமும் வெளியாகும் என்பதை வாசகர்களுக்கும், ‘தல’யின் ரசிகர்களுக்கும் தெரிவித்து கொள்கிறோம்.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...