Dinamalar

ரஜினி பாணியை விடாத கார்த்தி!

நான் மகான் அல்ல என்ற ரஜினி பட டைட்டிலில் நடித்த கார்த்தி அதன்பிறகு மூன்று முகம் படத்தில் ரஜினி நடித்த போலீஸ் கேரக்டரான அலெக்ஸ் பாண்டியன் பெயரிலும் ஒரு படத்தில் நடித்தார். அதோடு சகுனியில், ரஜினி-கமல் என்று இவரும், சந்தானமும் செம அக்கப்போர் செய்தனர்.

இந்த நிலையில், ஆல் இன் ஆல் அழகுராஜா படத்திற்கு பிறகு அட்டகத்தி ரஞ்சித் இயக்கும் படத்திலும் ரஜினியின் காளி பட டைட்டிலில்தான் நடிப்பதாக இருந்தார் கார்த்தி. ஆனால் திடீரென்று இனி ரஜினி டைட்டில்களை நம்பி நடிக்கப்போவதில்லை. எனக்கேற்ற நல்ல கதைகளாக தேர்ந்தெடுத்து நடிப்பேன் என்று அறிவித்தார்.

இப்படி கார்த்தி அறிவித்திருக்கும் நிலையில், வருகிற தீபாவளிக்கு அவர் நடிப்பில் வெளியாகும், ஆல் இன் ஆல் அழகுராஜா படத்திலும் 1980களில் ரஜினி படங்களில் இடம்பெறுவது போன்ற சாயலில் ஒரு பாடல் இடம்பெற்றுள்ளதாம். அந்த காலத்து ரஜினியின் நடை, உடை, நடனம் ஆகியவற்றை பிரதிபலிக்கும் வகையில் இந்த பாடலில் ஆடியிருக்கிறாராம் கார்த்தி.

அந்த பாடலுக்கு ரஜினி பாணியில் நடித்தால்தான் ரீச் ஆகும் என்பதால் அவர் போன்று நடனமாடியிருக்கிறேன் என்று கூறியுள்ள கார்த்தி, இந்த பாடலில் அதிக ஈடுபாட்டுடன் நடித்தேன். இது என்னை ஈர்த்தது போன்று ரசிகர்களையும் கட்டாயம் ஈர்க்கும் என்கிறார் கார்த்தி.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...