Dinamalar

ரீ-மேக் படங்களில் இனி நடிக்க மாட்டேன்: ஜெயம் ரவி

ஜெயம் படத்தின் மூலம் சினிமாவில் அறிமுகமானவர் எடிட்டர் ‌மோகனின் மகன் ரவி. முதல்படமே அவருக்கு ஜெயம் தேடி வர, அப்போதிலிருந்து ஜெயம் ரவி ஆனார். தொடர்ந்து எம்.குமரன் சன் ஆப் மகாலட்சுமி, உனக்கும் எனக்கும், சந்தோஷ் சுப்ரமணியன், பேராண்மை, தில்லாலங்கடி போன்ற படங்களில் நடித்து பிரபலமானார். தற்போது நிமிர்ந்து நில், பூலோகம் படங்களில் நடித்து வருகிறார். அதில் பூலோகம் படத்தில் பாக்ஸராக நடித்து வரும் ரவி, ஹாலிவுட் நடிகர் நாதன் ஜோன்ஸ் உடனும் மோதுகிறார். இதுப்பற்றி அவர் அளித்துள்ள பேட்டி...

* இப்போது நடிக்கும், "பூலோகம் படம் குறித்து?

வட சென்னை தான், இந்த படத்தின் கதைக் களம். யாரும் தொடாத ஒரு கதை. வட சென்னையில் வசிக்கும், இரண்டு பாக்சிங் பரம்பரை பற்றிய கதை. இதில், தேசிய அளவிலான ஒரு பிரச்னை பற்றியும் கூறியுள்ளோம். இதில், நடித்தது புது அனுபவத்தை தந்தது. படம் பார்க்கும் ரசிகர்களுக்கும், புதுவித அனுபவமாக இருக்கும்.

* வெற்றி, தோல்வியை எப்படி எடுத்துக்குவீங்க?

வெற்றி, தோல்வி என்பது, ஒரு "கிராப் மாதிரி. ஏறி, இறங்கி போயிட்டு இருக்கும். என்னைப் பொறுத்த வரை, எல்லா படத்துக்கும் ஒரே மாதிரி தான் உழைக்கிறேன். எல்லா படமும், நல்லா வரும் என்று நம்பித் தான், வேலை செய்கிறோம். ஆனால், படம் பார்க்கும்போது தான், வெற்றி எது, தோல்வி எது என்று தெரிகிறது.  படத்தின், வெற்றி, தோல்வி படம் பார்க்கும் ரசிகர்கள் கைகளில் தான் உள்ளது.

* எப்படிப்பட்ட கேரக்டர்களை தேர்வு செய்கிறீர்கள்?

நான் கதை கேட்கும்போது, ஒரு ரசிகரின் மனநிலை எப்படி இருக்குமோ, அப்படிப்பட்ட மனநிலையில் தான் கேட்பேன்.கேட்கும் போதே, கதை பிடிக்க வேண்டும். இதை, ரசிகர்கள், ஏற்றுக்கொள்வார்களா, மாட்டார்களா என்ற சந்தேகமே வரக் கூடாது. அப்படிப்பட்ட கதையம்சம் உள்ள படங்களில் தான் நடிக்கிறேன்.

* உங்களுக்கென்று, ஒரு இமேஜ் உள்ளதே?

இந்த இமேஜ், நானாக ஏற்படுத்தி கொண்டதல்ல. மக்களாக கொடுத்தது. நான் எடுக்கும் புதிய முயற்சிகளுக்கு ரசிகர்கள், ஆதரவு தருகின்றனர்.  இமேஜை தக்க வைப்பது ரொம்ப சிரமம். ஒவ்வொரு படத்திலும், வித்தியாசமான கேரக்டர்களில் நடிக்க வேண்டும் என்பது தான், என் விருப்பம்.

* "ரீ-மேக் படங்களில் அதிகமாக நடிக்கிறீர்களே. உங்களுக்கே போரடிக்கவில்லையா?

திரையுலகிற்கு அறிமுகமான புதிதில், "ரீ-மேக் படங்களில் நடித்தேன். இப்போது அப்படியில்லை. நேரடி படங்களில் தான் அதிகமாக நடிக்கிறேன்.  "பூலோகம், நிமிர்ந்து நில் ஆகியவை நேரடி படங்கள் தான். இதையடுத்து, நானும், என் அண்ணனும் சேர்ந்து ஒரு படம் செய்யப் போறோம். எனவே, "ரீ-மேக் நாயகன் என்ற பெயர், இனி மாறும்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஜூலை மாதத்தில் வெளியாகும் ராயன்
• 
  சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் ...
• 
  மும்பையில் தொடங்கிய குபேராவின் அடுத்தக்கட்ட படப்பிடிப்பு
• 
  அயோத்தி பட இயக்குனரின் அடுத்த பட அப்டேட்
• 
  ரத்னம் படத்திற்கு கட்டப்பஞ்சாயத்து : விஷால் வேதனை