Dinamalar

ஒரே வாரத்தில் மூன்று மொழிகளிலிருந்து டப்பிங் படங்கள் ரிலீஸ்

2024ம் வருடத்தின் கடைசி கட்டத்திற்கு வந்துவிட்டோம். இந்த வருடம் 230க்கும் மேற்பட்ட நேரடி தமிழ்ப் படங்கள் வெளியாகி உள்ளன. அதே சமயம் மற்ற மொழிகளிலிருந்தும் குறிப்பிடத்தக்க அளவில் டப்பிங் படங்களும் வந்துள்ளன. சுமார் 50க்கும் மேற்பட்ட டப்பிங் படங்கள் இந்த வருடத்தில் வெளிவந்திருக்கும்.

வருடத்தின் கடைசி வெளியீட்டு வாரத்தில் நாளை கிறிஸ்துமஸ் தினத்தில் மட்டும் ஒரே வாரத்தில் மூன்று மொழிகளிலிருந்து தலா ஒரு டப்பிங் படம் வெளியாக உள்ளது.

மலையாளத்தில் மோகன்லால் இயக்கி, நடித்துள்ள 'பரோஸ் 3டி' படம், கன்னடத்தில் கிச்சா சுதீப் நடித்துள்ள 'மேக்ஸ்' படம், தெலுங்கில் நிவேதா தாமஸ் நடித்துள்ள '35 சின்ன விஷயம் இல்ல' ஆகிய மூன்று படங்கள் வெளியாகின்றன.

இவற்றில் 'பரோஸ்' படம் நாளை மலையாளம், தமிழ் உள்ளிட்ட மற்ற மொழிகளில் வெளியாகிறது. ‛மேக்ஸ்' படம் நாளை கன்னடத்திலும் தமிழில் டிச., 27ம் தேதியும் வெளியாகின்றன. '35 சின்ன விஷயம் இல்ல' படம் தெலுங்கில் '35 சின்ன கத காது' என்ற பெயரில் கடந்த செப்டம்பர் மாதம் 6ம் தேதி வெளியானது.

இந்த வருடம் வெளிவந்த டப்பிங் படங்களில், 'புஷ்பா 2, லக்கி பாஸ்கர்' ஆகிய தெலுங்குப் படங்கள், மலையாளத்தில் நேரடியாக வெளியான 'மஞ்சும்மேல் பாய்ஸ்' ஆகிய படங்கள் நன்றாக வசூலித்து லாபத்தைக் கொடுத்த படங்களாக அமைந்தன.

• 
  திருடனாக நடித்தது சுவாரஸ்யமாக இருந்தது : சைப் அலிகான்
• 
  நான் பாகிஸ்தானி அல்ல ; கொதிக்கும் பிரபாஸ் பட நாயகி
• 
  டைகர் ஷெராப்பை கொலை செய்ய ஏவப்பட்டதாக பொய் மிரட்டல் விடுத்த நபர் கைது
• 
  காஷ்மீர் தாக்குதல்: உயிர் தப்பிய பாலிவுட் நடிகை
• 
  இனி இப்படி பேசமாட்டேன் ; கடும் எதிர்ப்புக்கு அடிபணிந்த மகாராஜா வில்லன்

• 
  'அஅஅ' படத்தின் முதல் ஹீரோயினாக மிருணாள் தாகூர் ஒப்பந்தம்?
• 
  சூர்யாவின் 'ரெட்ரோ' விழாவில் விஜய் தேவரகொண்டா
• 
  சீமானின் தர்மயுத்தம் : மே மாதம் ரிலீஸ்
• 
  சிம்புவுக்கு நோ சொல்லமாட்டேன் : சந்தானம்
• 
  லோகேஷின் எல்சியு.,வில் ஒரு பகுதியாக இருந்தால் மகிழ்ச்சியடைவேன் - நடிகர் ...