Dinamalar

'கேர்ள் ப்ரெண்ட்'க்காக 5 மொழிகளில் டப்பிங் பேசிய ராஷ்மிகா

அனிமல் படத்தின் வெற்றியை தொடர்ந்து தென்னிந்தியாவையும் தாண்டி பாலிவுட்டிலும் ராஷ்மிகா மந்தனாவை தேடி பல பட வாய்ப்புகள் வருகின்றன. ஆனாலும் பொறுமையாக செலெக்ட்டிவாக படங்களை தேர்ந்தெடுத்து நடித்து வருகிறார் ராஷ்மிகா. அந்த வகையில் தற்போது தெலுங்கில் புஷ்பா-2வில் நடித்து வரும் ராஷ்மிகா, சேகர் கம்முலா டைரக்சனில் உருவாகி வரும் 'குபேரா' படத்தில் தனுஷுக்கு ஜோடியாகவும் நடித்து வருகிறார்

இதை அடுத்து தெலுங்கு இயக்குனரும் பிரபல பின்னணி பாடகி சின்மயியின் கணவருமான ராகுல் ரவீந்திரன் இயக்க உள்ள 'தி கேர்ள் பிரண்ட்' என்கிற படத்தில் கதாநாயகியாக நடிக்க இருக்கிறார் ராஷ்மிகா. இந்த நிலையில் தற்போது இந்த படத்தின் டீசரை உருவாக்கியுள்ளார் ராகுல் ரவீந்திரன். ஐந்து மொழிகளில் வெளியாக இருக்கும் இந்த படத்தின் டீசருக்கு அனைத்து மொழிகளிலும் ராஷ்மிகா தான் டப்பிங் பேசியுள்ளார். வரும் ஏப்ரல் 5ம் தேதி ராஷ்மிகாவின் பிறந்தநாளை முன்னிட்டு இந்த டீசர் ஐந்து மொழிகளில் வெளியாக இருக்கிறது

இதில் இன்னும் தான் பணியாற்றாத மலையாள மொழி டீசருக்கும் ராஷ்மிகாவே டப்பிங் கொடுத்துள்ளார். என்றாலும் படம் மலையாளத்தில் வெளியாகும்போது அவர் டப்பிங் பேசப்போவதில்லை என்றும் ராகுல் ரவீந்திரன் கூறியிருக்கிறார்.. வித்தியாசமான காதல் கதையாக உருவாக இருக்கும் இந்த படத்தில் கதாநாயகன், மற்ற நட்சத்திரங்கள் குறித்த விபரங்கள் இன்னும் வெளியாகவில்லை.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்