Dinamalar

சல்மான் கானின் தவறான 'எக்ஸ்' பதிவு

பாலிவுட்டின் முன்னணி நடிகர்களில் ஒருவர் ஆமீர் கான். அவரது முன்னாள் மனைவியான கிரண் ராவ் இயக்கியுள்ள இரண்டாவது படம் 'லாபட்டா லேடீஸ்'. ஆமீர்கான், கிரண் ராவ் 2005ல் திருமணம் செய்து கொண்டு 2021ல் பிரிந்தனர். அவர்களுக்கு ஆசாத் ராவ் கான் என்ற 12 வயது மகன் இருக்கிறான்.

இரண்டாவது மனைவியான கிரண் ராவைப் பிரிந்தாலும் அவர் இயக்கிய 'லாபட்டா லேடீஸ்' படத்தை கிரண் ராவுடன் இணைந்து தனது ஆமீர் கான் புரொடக்ஷன்ஸ் நிறுவனம் மூலம் தயாரித்துள்ளார்.

இப்படத்திற்கான சிறப்புக் காட்சியை சல்மான் கான் கலந்து கொண்டு பார்த்திருந்தார். அப்போது சல்மான், ஆமீர் இருவரும் பாசத்துடன் கட்டித்தழுவிக் கொண்ட வீடியோ பாலிவுட் ரசிகர்களிடம் பரபரப்பாகப் பேசப்பட்டது.

இந்நிலையில் படத்தைப் பாராட்டி, “கிரண் ராவின் 'லாபட்டா லேடீஸ்' படத்தைத் தற்போது பார்த்தேன். வாவ் வாவ்… கிரண். நானும், எனது அப்பாவும் மிகவும் ரசித்தோம். இயக்குனராக அறிமுகமானதற்கு வாழ்த்துகள், சூப்பர்.. நீங்கள் எப்போது என்னுடன் வேலை செய்வீர்கள், என்றும் கேட்டுள்ளார்.

'லாபட்டா லேடீஸ்' கிரண் ராவின் முதல் படம் இல்லை, இரண்டாவது படம். இதற்கு முன்பு 2011ல் வெளிவந்த 'தோபி காட்' என்ற படத்தை இயக்கியுள்ளார். அது தெரியாமல் அல்லது மறந்து போய் சல்மான் டுவீட் போட்டிருப்பதை ரசிகர்கள் கிண்டல் செய்து வருகிறார்கள்.

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'